Куала-Лумпурда Қозоғистон маданияти кунлари бўлиб ўтди

КUALA LUMPUR. Кazinform - 15—27-март кунлари Куала-Лумпурда Наврўз байрамини нишонлашга бағишланган Қозоғистон маданияти кунлари бўлиб ўтди, деб хабар беради Кazinform Қозоғистон Республикаси Ташқи ишлар вазирлиги сайтига таяниб.

Малайзиядаги энг йирик университетлардан бири «Аsia Pacific University оf Теchnology & Innovation» биносида ўтказилган қатор тадбирлар янги ташкил этилган ташкилотлар – Қозоғистонлик талабалар уюшмаси ва Малайзиядаги қозоқ диаспораси томонидан ташкил этилди.

Деярли икки ҳафта мобайнида ички безатиш билан жиҳозланган ўтов кўргазмалари, Қозоғистонга бағишланган фотокўргазма, қозоқ киноси оқшоми, шунингдек, Наврўз байрами ва Қозоғистон-Малайзия дўстлиги мавзусидаги кичик қозоқларнинг расмлари кўргазмаси бўлиб ўтди. Бу йил унинг 30 йиллиги нишонланади.

19 март куни бўлиб ўтган асосий тадбирда 300 дан ортиқ меҳмонлар, жумладан, диаспора, қозоғистонлик ва хорижлик талабалар, мамлакатдаги дўстлар, бизнес вакиллари, оммавий ахборот воситалари ва бошқалар иштирок этди.Истеъдодли қозоқ ёшлари халқ қўшиқлари, рақслар, куйлар, рамзий маънода бўлиб ўтган «Тушов кесди» маросимидан иборат ёрқин ва бой дастур билан чиқиш қилди. Тадбир меҳмонлари турли танловларда қатнашиш, эсдалик совғалар олиш, шунингдек, қозоқ миллий таомларидан татиб кўриш имконига эга бўлдилар.