Куала-Лумпур ва Тошкент ўртасида тўғридан-тўғри ҳаво қатнови очилади

TASHKENT. UzA-Kazinform – Batik Air йил охиригача Куала-Лумпур ва Тошкент ўртасида тўғридан-тўғри рейсларни очади, дея хабар беради Kazinform UzA агентлигига таяниб.

Малайзиянинг New Straits Times газетасида чоп этилган маълумотларга кўра, Batik Airнинг стратегик ривожланиш бўйича директори Чандран Рама Мути авиакомпания Малайзия ва Ўзбекистон ўртасида ҳафтасига уч марта парвоз қилишни режалаштираётганини ва биринчи рейс шу йилнинг ноябрь ёки декабрь ойларида бошланишини айтди.

Чандран Рама Мутининг айтишича, Batik Air ҳозирда Ислом Каримов номидаги Тошкент халқаро аэропорти раҳбарияти билан музокаралар олиб бормоқда ва парвозларни бошлаш учун рухсатни кутмоқда.