Валюталар курси:
    usd/kzt 425.48 eur/kzt 494.2

    rub/kzt 6.14 cny/kzt 66.67
Об-ҳаво маълумотлари:
Нур-Султон : -7 °С
Алматы: 9 °С

ҚР Ташқи ишлар вазири  «C5 + 1» вазирлар учрашувида иштирок этди

23 Сентябрь 11:31

NEW YORK. Kazinform – БМТ Бош Ассамблеяси 76-сессияси доирасида Нью-Йоркда Қозоғистон Бош вазири ўринбосари - Ташқи ишлар вазири Мухтар Тлеуберди, AҚШ давлат котиби Энтони Блинкен, Қирғизистон Ташқи ишлар вазири Руслан Казакбаев, Тожикистон Ташқи ишлар вазири Сирожидин Муҳриддин, Туркманистон Ташқи ишлар вазири Рашид Мередов ва Ўзбекистон Ташқи ишлар вазири Aбдулазиз Камилов «C5 + 1» вазирлар учрашувида иштирок этишди. Бу ҳақда Kazinform Қозоғистон Ташқи ишлар вазирлиги матбуот хизматига асосланиб хабар беради.

Ташқи ишлар вазирлари Aфғонистондаги инқирозни ҳал қилишда, минтақа давлатларининг COVID-19 билан курашишдаги саъй-ҳаракатларини бирлаштириб, иқтисодий ўзаро боғлиқлик ва иқлим инқирозига қарши кураш соҳасидаги имкониятларни амалга оширишда катта салоҳиятга эга эканлигини қайд этиб, «C5 + 1» минтақавий платформасининг аҳамиятини тасдиқлашди. Мамлакатни тарк этмоқчи бўлган чет элликлар ва афғонларнинг хавфсизлигини таъминлаш ва Aфғонистонда инклюзив ҳукумат тузишнинг муҳимлигини таъкидлашди.

«Қозоғистон Ташқи ишлар вазири «C5 + 1» дастури ўзини минтақавий хавфсизликни муҳокама қилиш ва Марказий Осиё минтақаси ва AҚШ доирасида ўзаро манфаатли муносабатларни мустаҳкамлаш учун барқарор платформа сифатида кўрсатганлигини маълум қилди.

Қатнашувчилар, шунингдек, амалий натижалари иқтисодий ўсиш, минтақавий энергия алоқалари ва энергия самарадорлигини ошириш учун ҳаракатлантирувчи куч бўлиши мумкин бўлган «C5 + 1» мамлакатлари экологик агентликлари раҳбарлари йиғилишини чақириш ҳақидаги Қозоғистон ташаббусини ўз вақтида қайд этишди.

«C5 + 1» учрашуви Марказий Осиёда янги муаммолар ва таҳдидларни муҳокама қилиш, экологик муаммоларни ҳал етиш бўйича қўшма чора -тадбирлар, шунингдек, минтақавий ёндашувни талаб қиладиган савдо ва сармоявий алоқаларни кенгайтириш йўлларини муҳокама қилиш имконини берди.

М. Тлеуберди AҚШ Давлат котибининг Жанубий ва Марказий Осиё масалалари бўйича ёрдамчиси Дональд Лу ҳамда AҚШ Миллий хавфсизлик кенгашининг Россия ва Марказий Осиё бўйича бошқармаси катта директори Эрик Грин билан ҳам учрашди.

Музокараларда икки томонлама, минтақавий ва халқаро кун тартибидаги кенг кўламли масалалар, жумладан олий ва юқори даражадаги алоқалар, Aфғонистондаги ҳозирги вазият ва афғонлараро мулоқотни тарғиб қилиш ва бошқа масалалар муҳокама қилинди.








Новости по теме
Ўхшаш янгиликлар