ҚР Таълим ва фан вазирлиги: 300 дан ортиқ қозоғистонликлар чет эл университетларида бепул таълим олишади

NUR-SULTAN. Kazinform - 330 нафар қозоғистонликларга етакчи хорижий олий таълим масканларига ўқишга кириш тавсия этилди, деб хабар қилди Kazinform Қозоғистон Қозоғистон Таълим ва фан вазирлиги матбуот хизматига таяниб.

Улар Қозоғистон ва бошқа давлатлар ўртасида Таълим ва фан вазирлиги ташаббуси билан тузилган ҳукуматлараро келишув асосида бепул ўқишлари мумкин. Яъни, Венгрия, Польша, Хитой, Украина, Словакия, Озарбайжон ва Вьетнам университетларида бепул ўқиш имкониятлари мавжуд.

Марказий Осиё мамлакатлари орасида Қозоғистонга энг кўп миқдордаги таълим грантлари ажратмоқда: Венгрия - 250, Хитой - 47, Полша - 11, Украина - 10, Словакия - 3, Озарбайжон - 8, Вьетнам - 1. Грантлар бакалавриат, магистратура, докторантура ва резидентура дастурлари бўйича тақсимланади.

«Суҳбат давомида ҳар бир номзодга касб танлаш учун хоҳиш-иродаси, назарий билимлари ва ўқиш жараёнида ёки танлаган касби бўйича эришган ютуқларини аниқлаш учун саволлар берилди. Шунингдек, биз фикрлашнинг мантиқий даражаси, нутқ сифати, номзодларнинг ҳар қандай вазиятда муаммоларни ҳал қилишда шахсий фазилатлари ва маҳоратини баҳоладик. Таълим грантларини бериш бўйича якуний қарорни мезбон томон қабул қилади»,-деди ҚР Таълим ва фан вазирлиги Халқаро дастурлар маркази президенти Айнур Карибозова.

Номзодларни танлаш депутатлар, экспертлар, муҳандислик, тиббиёт, гуманитар ва табиий фанлар докторларидан иборат мустақил комиссия томонидан амалга оширилди.

Мустақил эксперт комиссияси асосий ва заҳира таркибига чет тилларини билиш даражаси, таълим тўғрисидаги ҳужжатнинг ўртача баллари ва суҳбатнинг ўртача баллари бўйича энг юқори ўртача баллга эга бўлган номзодларни киритди.