ҚР Соғлиқни сақлаш вице-вазири: вакцинанинг ҳимоя таъсири ҳақида фикр билдирди

NUR-SULTAN. Kazinform – ҚР Соғлиқни сақлаш вице-вазири, бош давлат санитария шифокори Ерлан Қиясов коронавирусга қарши вакцинанинг ҳимоя реакцияси ҳақида сўзлаб берди, деб хабар беради Kazinform мухбири.

«Шуни таъкидлаш керакки, вакцинациядан кейин ҳимоя таъсири, яъни коронавирусга қарши антитаналар биринчи дозадан 12-14 кун ўтгач бошланади. Тўлиқ иммунитетни таъминлаш учун 21 кунлик интервал билан икки компонентли вакцинациянинг тўлиқ курсини ўтказиш керак», - деди Е. Қиясов Марказий алоқа хизматида.

Унинг сўзларига кўра, вакцинациянинг тўлиқ курси тугагандан сўнг 1,5 ой ичида танада иммунитет реакцияси ривожланади. Шунинг учун вакцина билан эмланган одамлар эҳтиёт чораларини кўришлари керак.

«Бундан ташқари, Қарағанди фармацевтика мажмуасида вакцина ишлаб чиқариш ҳажми июль ойига қадар 2 миллион дозани ташкил этади», - деди Ерлан Қиясов.

Муаллиф: Руслан Ғаббасов