Валюталар курси:
    usd/kzt 416.91 eur/kzt 446.47

    rub/kzt 7.34 cny/kzt 62.53
Об-ҳаво маълумотлари:
Нур-Султон : 1 °С
Алматы: 15 °С

ҚР Сенати Раиси Руминия парламентарийлари билан учрашди

21 Декабрь 08:00

NUR-SULTAN. Кazinform – Қозоғистон Сенати Раиси Маулен Ашимбаев Руминия Парламенти Сенати вице-президенти Алина Горгиу бошчилигидаги делегация билан учрашди, дея хабар беради Кazinform.

Суҳбат чоғида Қозоғистон ва Руминия ўртасидаги парламентлараро алоқаларни янада ривожлантириш истиқболлари муҳокама қилинди.

Маулен Ашимбаев мустақиллик йилларида икки давлат ўртасида юқори даражадаги сиёсий мулоқот йўлга қўйилганини таъкидлади.

Сенат Раиси Президент Қасим-Жомарт Тоқаев ва Қозоғистоннинг Биринчи Президенти – Елбасы Нурсултон Назарбоев Нур-Султон ва Бухарест ўртасидаги дўстона ва ўзаро манфаатли муносабатларни мустаҳкамлашга алоҳида эътибор қаратганини таъкидлади.

Сенат Раиси икки мамлакат парламентлари ўртасидаги муносабатларда ўзаро манфаатли ҳамкорликни сақлаш ва ривожлантириш муҳимлигига ишонч билдирди.

– Турли муҳим масалалар бўйича тармоқ қўмиталари алоқаларини фаоллаштириш мақсадида маслаҳатлашувлар ва бошқа тадбирлар ташкил этилиши мумкин. Бундан ташқари, келгусида амалий алоқаларни чуқурлаштириш ва парламент фаолияти тажрибасини ўрганиш мақсадида онлайн ва офлайн режимда бир қатор қўшма тадбирлар ўтказишимиз мумкин», — деди Маулен Ашимбаев.

Учрашувда томонлар ўзаро манфаатли истиқболли йўналишларда парламент аъзолари ўртасидаги ҳамкорликни ривожлантиришга кўмаклашиш масалаларини ҳам муҳокама қилдилар.

Булар энергетика, енгил ва оғир саноат, қурилиш, транспорт, фармацевтика, туризм ва қишлоқ хўжалигидир.

– Қишлоқ хўжалигида, жумладан, табиий маҳсулотлар ишлаб чиқаришда ҳам катта имкониятлар мавжуд. Қозоғистон сенаторлари органик маҳсулотлар тўғрисидаги қонун лойиҳасини ишлаб чиқди. Ҳозирги вақтда ушбу бозорда узоқ муддатли ўсиш тенденцияси мавжуд. Ҳужжатда бу борада фермерларни қўллаб-қувватлаш бўйича аниқ чора-тадбирлар белгиланган. Ишончим комилки, Қозоғистон қишлоқ хўжалиги соҳаси хорижий инвестициялар учун жозибадор бўлади. Мамлакатингиз тадбиркорларини ҳамкорликка таклиф қиламиз», - деди Маулен Ашимбаев.


Новости по теме
Ўхшаш янгиликлар