Валюталар курси:
    usd/kzt 416.91 eur/kzt 446.47

    rub/kzt 7.34 cny/kzt 62.53
Об-ҳаво маълумотлари:
Нур-Султон : 1 °С
Алматы: 15 °С

ҚР Президенти Туркия Адолат ва тараққиёт партияси раиси ўринбосарини қабул қилди

10 Декабрь 19:03

NUR-SULTAN. Kazinform – Давлат раҳбари Туркий давлатлар ташкилоти Оқсоқоллар кенгашининг яқинда сайланган раиси Бинали Йилдиримни қабул қилди. Бу ҳақда Kazinform Ақорда матбуот хизматига таяниб хабар беради.

Бинали Йилдирим Давлат раҳбарига учрашиш имконияти учун миннатдорлик билдириб, Қасим-Жомарт Тоқаев ва барча қозоғистонликларни мамлакат мустақиллигининг 30 йиллиги билан табриклади. Икки томонлама стратегик шерикликни янада мустаҳкамлаш мақсадида Бинали Йилдирим Туркия Республикаси Президенти Ражаб Тоййиб Эрдўғон номидан Давлат раҳбарини келаси йили Анқарага расмий ташриф билан таклиф қилди.

Суҳбат чоғида Қозоғистон-Туркия стратегик шериклигининг бугунги ҳолати ва уни ривожлантириш истиқболлари, сиёсий, иқтисодий ва маданий-гуманитар ҳамкорлик масалалари муҳокама қилинди. Қасим-Жомарт Тоқаев юқори даражадаги сиёсий мулоқот фаоллашгани, шунингдек, икки мамлакат ўртасидаги савдо-иқтисодий ва маданий-гуманитар алоқалар жадал ривожланаётганини таъкидлади.

Қозоғистон Президенти, ташкилотнинг ноябр ойида Истанбулда бўлиб ўтган тарихий саммити якунлари бўйича қабул қилинган қарорларнинг муҳимлигини таъкидлаб, Бинали Йилдиримни ушбу ташкилотнинг Оқсоқоллар кенгаши раиси этиб тайинлангани билан табриклади.

Новости по теме
Ўхшаш янгиликлар