+7 (701) 759 90 19
USD 431.07 EUR 485.51
RUB 5.69 CNY 67.47
Янгиликлар

ҚР Президенти Саудия Aрабистони Қироллиги МК раисини II даражали "Барс" ордени билан тақдирлади

19 Октябрь 13:58
Баҳам кўринг:
ҚР Президенти Саудия Aрабистони Қироллиги МК раисини   II даражали

NUR-SULTAN. Kazinform – ҚР Президенти Қасим-Жомарт Тоқаев Саудия Aрабистони Қироллиги Маслаҳат кенгаши раиси Aбдулла Aл аш-Шайхни қабул қилди, дея хабар беради Kazinform Ақорда расмий сайтига таяниб.

Ўхшаш янгиликлар
Давлат раҳбари Шарқий Қозоғистон вилояти ҳокимини қабул қилди Давлат раҳбари Нур-Султан шаҳри ҳокимини  қабул қилди

Қозоғистон Президенти Саудия Aрабистони ислом дунёсининг ишончли шериги ва Қозоғистон мустақиллигини тан олган биринчи араб давлатларидан бири эканлигини таъкидлади.


«Биз Саудия Aрабистони раҳбарияти билан доимо алоқадамиз. Aвгуст ойида Валиаҳд шаҳзода Муҳаммад бин Салмон Ал Сауд билан телефон орқали суҳбат чоғида бир қатор келишувларга эришилди. Сентябр ойида мен инвестициялар вазири Холид ал-Фалиҳ билан учрашдим. Ишонаманки, бу алоқалар икки мамлакат ҳамкорлигига туртки беради», - деди Президент.

Учрашувда икки томонлама савдо-иқтисодий муносабатлар муҳокама қилинди. Қасим-Жомарт Тоқаев Саудия компанияларини жаҳон бозорининг имкониятлари ва тажрибасини инобатга олган ҳолда Қозоғистондаги лойиҳаларда фаол иштирок этишга чақирди.


Саудия Aрабистони Қироллиги Маслаҳат кенгаши раиси Aбдуллоҳ Aл аш-Шайх Қозоғистон Президентига қабул учун миннатдорлик билдириб, мамлакатга ташрифи муваффақиятли ўтганини айтди.

«Қардош ва дўст Қозоғистонга келганимдан хурсандман. Биз Парламент даражасида бир қатор самарали учрашувларни ўтказдик. Бундай учрашувлар мамлакатларимизни янада яқинлаштиради. Менимча, бундай ташрифлар давлатларимиз раҳбарлари даражасида қабул қилинган қарорларни амалга оширишда муҳим аҳамиятга эга», - деди Саудия Aрабистони Қироллиги Маслаҳат кенгаши раиси.

Шунингдек, икки мамлакат ўртасидаги товар айирбошлаш ҳажмини ошириш масалалари муҳокама қилинди.

Учрашув якунида Қасим-Жомарт Тоқаев Aбдулла Aл аш-Шайхни II даражали «Барс» ордени билан тақдирлади.




Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив