ҚР Президенти пойтахт ҳокимини қабул қилди
Қасим-Жомарт Тоқаевнинг таъкидлашича, фуқаролар коронавирусга қарши эмлашни иложи борича тезроқ олишса, улар жамоат жойларида бир-бирларига хавф туғдирмайди, бизнес тикланади, ходимлар иш жойларига ташвишсиз боришади ва аҳоли нормал ҳаётга қайтиш учун тўлиқ имкониятга эга бўлади.
Президент аҳолини ўз вақтида ва оммавий эмлашни ташкил этиш, эпидемиологик вазиятни назорат қилиш, аҳоли саломатлигини муҳофаза қилиш бўйича шаҳар ҳокимига топшириқ берди.
Давлат раҳбарига шаҳар аҳолиси сонининг кўпайиши муносабати билан таълим муассасаларини қуриш орқали уч сменали мактаблар муаммосини ҳал қилиш, навбатда турган фуқароларни арзон уй-жой билан таъминлаш тўғрисида маълумот берилди.
Шунингдек, Қасим-Жомарт Тоқаев Алтай Қўлгиновга шаҳарни газлаштириш муаммосини ҳал қилиш, сармоялар жалб қилиш, Бандлик бўйича йўл харитасини самарали амалга ошириш, кичик ва ўрта бизнесни қўллаб-қувватлаш бўйича кўрсатмалар берди.