ҚР Президенти Бош вазирни қабул қилди

NUR-SULTAN. Kazinform – ҚР Президенти Қасим-Жомарт Тоқаев Бош вазир Асқар Маминни қабул қилди, деб хабар беради Kazinform Ақордага асосланиб.

Ўхшаш янгиликлар

ҚР Президенти жорий йилда 200 та янги мактаб қуриш тўғрисида топшириқ берди

Қозоғистонда 100 дан ортиқ янги IT-компаниялар қурилади Давлат раҳбари: Қозоғистон вакцинаси билан эмланаман «Марказий Осиё» халқаро савдо маркази тезроқ қурилиши керак - Тоқаев

Қасим-Жомарт Тоқаевга коронавирусга қарши маҳаллий вакцинани ишлаб чиқиш ҳақида сўзлаб берилди.

Бош вазир Президентга 29 ноябрь куни клиник синовларнинг биринчи ва иккинчи босқичлари якунланганлиги тўғрисида хабар берди. Асқар Маминнинг сўзларига кўра, вакцинанинг ножўя таъсири аниқланмаган ва унинг юқори самарадорлиги қайд этилган. 25 декабрдан бошлаб клиник синовларнинг учинчи босқичида 3000 нафар кўнгиллиларга вакцина эмланади. Синовлар 2021 йил март ойининг охирига қадар якунланади.

Шунингдек, Давлат раҳбарига шу йил охирига қадар 2 миллион маҳаллий вакцинанинг биринчи партияси чиқарилиши тўғрисида хабар берилди.

Давлат раҳбари томонидан Россия Президенти Владимир Путин билан эришилган келишувга мувофиқ, Россиянинг «Спутник V» вакцинасини ишлаб чиқариш Қозоғистонда жорий йилнинг 22 декабрида бошланади. 2021 йилдан бошлаб аҳолини ихтиёрий равишда вакцина билан эмлаш режалаштирилган. Дастлабки босқичда аҳолининг юқори хавфли гуруҳи, яъни шифокорлар, ўқитувчилар, ҳуқуқни муҳофаза қилиш органлари ходимлари мавжуд.

Қасим-Жомарт Тоқаев Асқар Маминга маҳаллий вакциналар ишлаб чиқариш билан боғлиқ вазифани тезкорлик билан амалга оширгани учун миннатдорлик билдирди ва ушбу дорининг самарадорлигига алоҳида эътибор қаратиш ва унинг жамоатчиликка тақдим этилишини назорат қилишни топширди.