ҚР Миллий кинони қўллаб-қувватлаш маркази 62 та лойиҳаларни амалга оширди

NUR-SULTAN. Кazinform – Жорий йилда Кинони қўллаб-қувватлаш давлат миллий маркази 62 ​​лойиҳани қўллаб-қувватламоқда. Бу ҳақда ҚР Маданият ва спорт вазири Даурен Абаев Парламентнинг ялпи мажлисида маълум қилди, деб хабар беради Kazinform мухбири.

«2019 йилда илк бор Қозоғистон Республикасининг «Кинематография тўғрисида»ги қонуни қабул қилинди. Бу маҳаллий кино сифатини оширди, рақобатбардошликни янги босқичга кўтарди, тизимли вазият яратиш имконини берди.

Шу муносабат билан Кинони қўллаб-қувватлаш давлат миллий маркази ташкил этилди. Ушбу марказ миллий фильмларни ишлаб чиқариш, прокат қилиш, намойиш этиш ва тарғиб қилиш учун бюджет ва бюджетдан ташқари маблағлар ажратиш билан шуғулланади. Жорий йилнинг ўтган даврида Марказ томонидан 62 та лойиҳа, жумладан, 18 та тўлиқ метражли бадиий, 19 та ҳужжатли, 17 та қисқа метражли ва 8 та анимацион фильмлар қўллаб-қувватланди, — деди Даурен Абаев.

Унга кўра, молиялаштириш тўғрисидаги қарор Эксперт комиссияси хулосаси асосида қабул қилинади. Ушбу комиссия таркибига кинематография жамоатчилигининг таниқли вакиллари киради.

«Бундан ташқари, амалдаги қонунчиликда Қозоғистонда фильмлар суратга олган хорижий киностудияларга берилган субсидияларни қисман қайтариш кўзда тутилган. Айтиш жоизки, бу ерда гап рибейт ҳақида кетмоқда», — деди вазир.

Муаллиф: Руслан Ғаббасов