ҚР Меҳнат вазири энг кўп талабга эга касблар номини маълум қилди

ASTANA. Кazinform - Россия Федерацияси фуқароларининг қайси ҳудудларга келиши прогноз қилинмоқда? - бу саволни журналистлар Қозоғистон Республикаси Меҳнат ва аҳолини ижтимоий ҳимоя қилиш вазири Тамара Дуйсеновага беришди, деб хабар беради Кazinform мухбири.

«Қайси йўналишлар бўйича аниқ айта олмайман, чунки биз ҳали янги келганларнинг мутахассисликлари ҳақида маълумот олмадик. Бундан ташқари, бизда прогноз бор, электрон меҳнат биржасида бўш иш ўринлари мавжуд. Бу маълумотларга кўра, бизда муҳандис-техник ходимларга, хизмат кўрсатиш соҳаси ходимларига талаб кўпроқ», деди Тамара Дуйсенова МКХда бўлиб ўтган брифингда.

Аввалроқ Тамара Дуйсенова мамлакатга ишга кириш учун келган россияликлар ҳақидаги статистик маълумотларни эълон қилгани хабар қилинганди.

«Россиядаги тенденция қандай: ҳатто пандемиядан олдинги даврда ҳам бизга Россия Федерациясидан 24 816 киши келган, кейин 2019 йилда 30 минг, 2020 йилда 33 минг, ўтган йили деярли 32 минг киши бўлган. Энди, келиш ва кетишларни ҳисобга олган ҳолда, бозорда бизнинг хизматларимиз маълумотларига кўра, кириш мақсади ишга кириш бўлган ва ишлаётган 25 301 россиялик бор. Қолаверса, ушбу 6 мингни қўшадиган бўлсак, ҳудудда 31 мингга яқин одам ишлаётганини кўрсатади», — деди Меҳнат вазири.

Муаллиф: Азамат Сиздиқбаев