ҚР Мажилисида Инсон ҳуқуқлари бўйича вакил тўғрисидаги қонун лойиҳаси биринчи ўқишда маъқулланди

NUR-SULTAN. Kazinform - Бугун Мажилиснинг ялпи мажлисида «Қозоғистон Республикасида Инсон ҳуқуқлари бўйича вакил тўғрисида»ги қонун лойиҳаси биринчи ўқишда маъқулланди, деб хабар беради Kazinform мухбири.

Инсон ҳуқуқлари бўйича вакилнинг бузилган инсон ва фуқаролар ҳуқуқларини тиклаш бўйича ваколатлари сезиларли даражада кенгайтирилади. Шу муносабат билан тегишли ҳуқуқлар ўрнатилади. Aриза берувчи давлат органларига ёки мансабдор шахсларга бузилган ҳуқуқларини тиклаш, шунингдек давлатнинг қарорлари ёки ҳаракатлари (ҳаракатсизлиги) билан чекланмаган гуруҳнинг бузилган ҳуқуқлари ва эркинликларини ҳимоя қилиш бўйича кўриладиган чора-тадбирлар тўғрисида судга ариза билан мурожаат қилиши мумкин.

«Бундай механизм биринчи марта таклиф қилинмоқда ва инсоннинг бузилган ҳуқуқ ва эркинликларини тиклашга қаратилган чора-тадбирларни сезиларли даражада кучайтиради. Мазмунига кўра, Вакил зиммасига инсон ва фуқаронинг ҳуқуқ ва эркинликлари бузилиши тўғрисидаги маълумотларни ўрганиш ва таҳлил қилиш, мурожаатлар натижаларини умумлаштириш киради. Бу унинг фаолиятига изчил ва профилактика характерини бермоқда», деди Сенат Раиси ўринбосари Aсқар Шакиров.

Хусусан, қонун лойиҳаси Вакилнинг ҳудудлардаги вакилининг мақоми ва лавозимини белгилаб беради.

Бундан ташқари, Вакилнинг мақоми, унинг фаолияти тамойиллари, яъни қонунийлик, ошкоралик, инсон ва фуқаро ҳуқуқ ва эхркинликлари манфаатларидан келиб чиққан ҳолда дахлсизлик тамойилларига алоҳида эътибор қаратилмоқда. Инсон ҳуқуқлари бўйича вакил жиноий ёки маъмурий жавобгарликдан иммунитетга эга. Шу муносабат билан уни жавобгарликка тортишнинг алоҳида тартиби жорий этилади.

Бундан ташқари, Вакил гувоҳ сифатида кўрсатув беришдан озод қилинади.

Вакилнинг қонуний фаолиятига аралашганлик ёки тўсқинлик қилганлик учун жавобгарлик жорий этилди. Инсон ҳуқуқлари бўйича вакил лавозимига тегишли талаб ва чекловлар мавжуд.

Шунингдек, ялпи мажлисда «Қозоғистон Республикасининг айрим қонун ҳужжатларига Инсон ҳуқуқлари бўйича вакил фаолиятига оид ўзгартиш ва қўшимчалар киритиш тўғрисида», «Қозоғистон Республикасининг Маъмурий ҳуқуқбузарликлар тўғрисидаги кодексига Вакил фаолиятига оид ўзгартишлар киритиш тўғрисида» Қозоғистон Республикасида инсон ҳуқуқлари бўйича», «Солиқ ва бюджетга бошқа мажбурий тўловлар» қонунлари ҳам биринчи ўқишда маъқулланди.

Муаллиф: Руслан Ғаббасов