ҚР Бош вазири Россия Федерацияси Ҳукумати раҳбари ўринбосарлари билан учрашди
Томонлар ёқилғи-енергетика соҳаси – ер қаъридан фойдаланиш, нефть ва газ, электр энергетикаси соҳасидаги ҳамкорликнинг долзарб масалаларини муҳокама қилди. Водород энергетикаси соҳасидаги ҳамкорлик истиқболлари, Россия компанияларининг Қозоғистоннинг шимолий ва шарқий ҳудудларини газлаштиришдаги иштирокига алоҳида эътибор қаратилди.
Россиядан Қозоғистонга дизель ёқилғиси етказиб бериш, Россия углеводородларини Қозоғистон ҳудуди орқали ташиш ва бошқа масалалар кўриб чиқилди.
Нефть кимёси соҳасида – полипропилен, полиэтилен, бутадиен ва унинг ҳосилалари ишлаб чиқариш бўйича қўшма лойиҳаларни амалга ошириш масалалари муҳокама қилинди.
«Самрук-Қазина» AЖ ва «ҚазМунайГаз» МК «СИБУР Ҳолдинг» ЁAЖ билан биргаликда 2022 йил бошида Aтираудаги интеграциялашган газ-кимё мажмуаси негизида йилига 500 минг тонна полипропилен ишлаб чиқарадиган қўшма корхона очишни режалаштирмоқда. Томонлар йилига 1,25 миллион тонна полиэтилен ишлаб чиқарадиган завод қуриш бўйича қўшма лойиҳани амалга оширишни кўриб чиқмоқда.
«КазМунайГаз» МК» AЖ «Татнефть» ЁAЖ билан ҳамкорликда битум модификациясида қўлланиладиган бутадиен каучукларини ишлаб чиқариш, адгезивлар, елимлар, каучуклар ва экологик тоза шиналар ишлаб чиқариш бўйича қўшма лойиҳани амалга оширмоқда. Лойиҳани амалга ошириш муддати 2021-2025 йиллар, ишлаб чиқариш қуввати - йилига 186 минг тонна бутадиен каучук ва 170 минг тонна изобутан.
Томонлар стратегик ҳамкорликнинг барча йўналишлари бўйича икки ва кўп томонлама форматларда келгусида конструктив музокаралар ўтказишга тайёр эканликларини тасдиқладилар.
Йиғилишда Бош вазир ўринбосари Роман Скляр, «Самрук-Казина» AЖ бошқаруви раиси Aлмасадам Сатқалиев, ҚР Энергетика вазири Мағзум Мирзағалиев, «ҚазМунайГаз» МК» AЖ бошқаруви раиси Aлик Aйдарбаев, «ҚазТрансГаз» бош директори Қайрат Шарипбаев, «Қазатомпром» AЖ бошқаруви раиси Мажит Шарипов иштирок этди.