ҚР Бош вазири Модернизация бўйича миллий комиссия йиғилишини ўтказди
«Қозоғистоннинг Биринчи Президенти – Елбасы Нурсултон Назарбоевнинг бешта институционал ислоҳотларини амалга ошириш бўйича 100 та аниқ қадам» Миллий режаси ва Президент Қасим -Жомарт Тоқаевнинг Қозоғистон халқига Мурожаатномаси ижроси кўриб чиқилди.
Миллий Иқтисодиёт вазири Aсет Ерғалиев, Индустрия ва инфратузилмаларни ривожлантириш вазири Бейбит Aтамқулов, Экология, геология ва табиий ресурслар вазири Серикқали Брекешев, Энергетика вазири Мағзум Мирзағалиев, Рақамли ривожланиш, инновациялар ва аэрокосмик саноат вазири Бағдат Мусин, Соғлиқни сақлаш вазири Aлексей Цой, Таълим ва фан вазири Aсхат Aймағамбетов, Стратегик режалаштириш ва ислоҳотлар агентлиги раиси - АХММ раҳбари Қайрат Келимбетов ва бошқалар амалга оширилаётган ишлар тўғрисида маълумот бердилар.
Бугунги кунга келиб, Миллий режанинг 100 босқичидан 72 таси амалга оширилди: «Профессионал давлат аппаратини шакллантириш» йўналиши бўйича 15 босқичдан 13 таси, «Қонун устуворлиги» йўналиши бўйича барча 19 та босқич, «Саноатлаштириш ва иқтисодий ўсиш» йўналиши бўйича 50 босқичдан 27 таси, «Ягоналик ва бирлик» йўналишидаги 6 босқичдан 3 таси, «Ҳисоботли давлатни шакллантириш» йўналиши бўйича барча 10 босқич амалга оширилди. Бу йил «Профессионал давлат аппаратини шакллантириш» ва «Саноатлаштириш ва иқтисодий ўсиш» йўналишлари бўйича 9 босқични амалга ошириш режалаштирилган. Рақобат шароитида қурилиш лойиҳалари учун давлат экспертизасини ўтказиш, қаттиқ фойдали қазилмалар ва углеводородлар учун ҳисобот стандартларининг халқаро тизимини жорий этиш, Технологияларни ривожлантириш марказларини яратиш, ИҲТТ стандартларига мувофиқ монополияга қарши органни янада такомиллаштириш, АХММ ва Қозоғистонда капитал бозорларини ривожлантириш масалалари кўрилди. Ҳамма ёрдамчи ва ҳамкор қишлоқ аҳоли пунктларини тез тиббий ёрдам пунктлари ва поликлиникалар билан таъминлаш, талабалар турар жойлари қурилиши, давлат идоралари ва квази-давлат секторининг яхлит маълумотлар базасини яратиш бўйича ишлар жараёни муҳокама қилинди.
Тадбиркорлик соҳасида янги тартибга солиш сиёсатини жорий этишга алоҳида эътибор қаратилди. Тегишли қонун лойиҳаси Ҳукумат томонидан ишлаб чиқилган ва Парламент мажлисига киритилган. Тадбиркорлик фаолиятини тартибга солишнинг янги ёндашувларини жорий этиш бизнес юкламасини тубдан камайтиради ва янги иқтисодий воқеликда тадбиркорлик фаоллигининг ривожланишига туртки беради.
Бош вазир «ҚР Биринчи Президенти - Елбасы Нурсултон Назарбоевнинг бешта институционал ислоҳотларини амалга ошириш бўйича 100 та аниқ қадам» миллий режаси ва Президент Қасим -Жомарт Тоқаевнинг Қозоғистон халқига Мурожаатномасини тўлиқ ва сифатли бажариш бўйича фаол ишларни давом эттиришни топширди.