ҚР Бош вазири қурилиш материаллари нархини пасайтириш бўйича топшириқ берди
28 Декабрь 14:15

ҚР Бош вазири қурилиш материаллари нархини пасайтириш бўйича топшириқ берди

NUR-SULTAN. Kazinform - Қозоғистон Бош вазири Асқар Мамин бугун Ҳукумат йиғилишида қурилиш материаллари соҳасида масъул идоралар ва ҳокимликларга топшириқлар берди, деб хабар беради Kazinform мухбири.

«Индустрия вазирлиги «Самруқ-Қазна» жамғармаси, «Байтерек» холдинги, «Атамекен» тадбиркорлар палатаси ва ҳокимлар билан биргаликда 2025 йилгача қурилиш индустрияси лойиҳаларини амалга ошириш бўйича «Йўл харитаси»ни ишлаб чиқиши керак», — деди А. Мамин.

Шунингдек, Индустрия вазирлигига «Байтерек» холдинги билан биргаликда бозорда воситачилар ишига йўл қўймаслик ва қурилиш материаллари таннархини пасайтириш мақсадида 2022 йил 1 мартга қадар «Маркетплейс» онлайн платформасини ишга тушириш топширилди.

«Индустрия вазирлиги Рақобатни ҳимоя қилиш агентлиги ва ҳокимликлар билан биргаликда ўз вақтида чора-тадбирлар кўриши ва қурилиш материаллари нархининг асоссиз оширилганлиги фактлари устидан мунтазам мониторинг олиб борилишини таъминласин», — деди Бош вазир.

Муаллиф: Руслан Ғаббасов

Янгиликлар

Архив