+7 (701) 759 90 19
USD 426.77 EUR 509.95
RUB 5.89 CNY 66.34
Янгиликлар

ҚР Бош Вазири иқтисодий ўсишни юқори баҳолади

11 Март 11:56
Баҳам кўринг:
ҚР Бош Вазири иқтисодий ўсишни юқори баҳолади

NUR-SULTAN. Kazinform – Февраль ойида Қозоғистон иқтисодиёти январь ойига нисбатан тезроқ ўсди. Бу ҳақда бугун Ҳукумат йиғилишида ҚР Бош вазири Асқар Мамин маълум қилди, деб хабар беради Kazinform мухбири.

«Февраль ойида биз январь ойига нисбатан иқтисодий ўсишни кузатмоқдамиз. Кўпгина асосий кўрсаткичлар яхшиланмоқда. Айни пайтда иқтисодиётнинг реал секторида барқарор ижобий тенденция кузатилмоқда. Иқтисодий ривожланишнинг асосий омиллари: ишлаб чиқариш, қурилиш, шу жумладан уй-жой, қишлоқ хўжалиги. Улар йил бошидан бери барқарор ўсиб бормоқда. Хизмат кўрсатиш соҳаси аста-секин тикланмоқда», - деди Асқар Мамин.

Бош вазирнинг сўзларига кўра, ижобий динамика - озиқ-овқат маҳсулотларини ишлаб чиқаришда; енгил саноат, тикувчилик саноати, чарм маҳсулотлари; кимё саноатида; металлургияда, шу жумладан рангли металларни ишлаб чиқаришда; машинасозликда, шу жумладан автомобилсозликда; фармацевтикада кузатилмоқда.

«2021 йил 4 мартда ОПЕК + Мониторинг қўмитасининг йиғилиши бўлиб ўтди. Қозоғистон учун нефт қазиб олишни кунига 20 минг баррелга етказиш бўйича индивидуал шартлар бўйича келишиб олинди. Ушбу чора-тадбирлар тоғ-кон саноатида ўсиш суръатларини мўтадил сақлашга имкон беради. Кўмир саноати 4,5 фоизга ўсмоқда. Хизмат кўрсатиш соҳасидаги ахборот-коммуникация соҳасининг ўсиш суръати юқори. Тоғ-кон ишлари бундан мустасно, асосий капиталга инвестицияларнинг ўсиши + 13,3% ни ташкил этди», - деди Бош вазир.


Муаллиф: Марлан Жиембай


Баҳам кўринг:
Мавзуга оид
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив