Қозоқ қизи Америка хоккей клубига бош мураббий этиб тайинланди
09:41, 01 Июл 2020
NUR-SULTAN. Kazinform – Қозоғистонлик хоккейчи Булбул Қартанбаева Америка хоккей клубининг бош мураббийи этиб тайинланди, дея хабар беради Kazinform.
Бу ҳақда Америка Қўшма Штатларининг Қозоғистондаги элчихонаси хабар берди.
«Қозоғистонлик Булбул Қартанбаевани табриклаймиз. Бугун у Нью-Жерсидаги Princeton Tiger Lilies хоккей клубининг бош мураббийи бўлди», - деб ёзади элчихона ўзининг Instagram саҳифасида.
Булбул Қартанбаева NWHL аёллар лигаси тарихидаги биринчи қозоғистонлик спортчидир.
У ўтган йили Американинг «Метрополитан Риверс» клуби билан шартнома имзолаган.