Валюталар курси:
    usd/kzt 436.29 eur/kzt 492.83

    rub/kzt 5.92 cny/kzt 68.48
Об-ҳаво маълумотлари:
Нур-Султон : -22 °С
Алматы: 2 °С

Қозоғистоннинг Ўзбекистондаги савдо-иқтисодий миссиясининг биринчи кунида 62,5 миллион долларлик шартномалар имзоланди

14 Июль 15:45

TASHKENT. Kazinform - Қозоғистоннинг Ўзбекистондаги савдо-иқтисодий миссиясининг биринчи кунида 62,5 миллион долларлик шартномалар имзоланди. Бу ҳақда Қозоғистон Республикаси Cавдо ва интеграция вазири ўринбосари Қайрат Торебаев Kazinform мухбирига берган интервюсида айтиб ўтди.

«Ўзбекистон Қозоғистоннинг Марказий Осиёдаги энг йирик ҳамкори. Афсуски, коронавирус бизнинг савдо муносабатларимизда маълум изларни қолдирди. Ўтган йили Ташқи савдо вазирлиги билан биргаликда биз оддий режимда ишладик, чегарадан ўтаётган ва юк ташийдиган ҳар бир автомашинани муҳокама қилдик. Шунинг учун савдо бир кун ҳам бекор тўхтамади. Аммо шунга қарамай, мамлакатларимиз ўртасидаги савдо айланмаси 14 фоизга камайди «, - деди К.Торебаев.

Вазир ўринбосарининг сўзларига кўра, жорий йилда савдо алоқаларини тиклаш ва кенгайтириш учун барча чоралар кўрилмоқда. Натижада, жорий йилнинг 5 ойида Ўзбекистон ва Қозоғистон ўртасидаги товар айланмаси ҳажми 1,5 миллиард долларни ташкил этди, бу ўтган йилга нисбатан 46 фоизга ва инқирозгача бўлган 2019 йилга нисбатан 20 фоизга кўпдир.

«Биз Ўзбекистон билан ҳамкорликда катта салоҳиятни кўрамиз ва карантин чекловларига қарамай, яқинроқ алоқаларни ўрнатиш учун бу ерга келдик. Бир неча кун ичида қизиқарли бизнес учрашувлар ташкил этилади. Фақат бугун, савдо-иқтисодий миссиянинг биринчи кунида 62,5 миллион долларлик шартномалар имзоланди. B2B учрашувларидан сўнг янги имзоланишлар бўлади «, - деди Қозоғистон делегацияси раҳбари.

Тошкентда бўлиб ўтган «Қозоғистон-Ўзбекистон» бизнес-форуми Қозоғистон Республикаси Савдо ва интеграция вазирлиги ва Qaztrade савдо сиёсатини ривожлантириш марказининг ташаббуси билан Ўзбекистондаги савдо-иқтисодий миссияси доирасида ташкил этилди. Қозоғистон томонидан форумда иқтисодиётнинг турли соҳаларини намойиш этувчи 60 та етакчи компаниялар иштирок этмоқда.

Муаллиф: Мадибек Жанибеков


Новости по теме
Ўхшаш янгиликлар