Қозоғистоннинг саккизта университети фан йўналишлари бўйича QS World University Rankings by Subject рейтингига кирди

ASTANА. Кazinform – Қозоғистоннинг саккизта университети 22 март куни эълон қилинган фан йўналишлари бўйича QS World University Rankings by Subject 2023 рейтингига киритилди. Бу ҳақда Kazinform ҚР Фан ва олий таълим вазирлигига таяниб хабар беради.

Натижаларга кўра, Қозоғистон олий таълим муассасаларининг 100 та энг яхши фан йўналишлари рейтингида борлиги икки баравардан кўпроққа, уч поғонадан етти поғонага кўтарилган.

Бундан ташқари, Қозоғистон халқаро таълим маконида ўз таъсирини оширишда давом этмоқда, фанлар рейтингидаги таълим дастурлари сонини ҳам 40 тага етказди, бу ўтган йилга нисбатан тўққизтага кўп, шунингдек, рейтингдаги университетлар сонини саккизтага етказди. Рўйхатга Л.Н. Гумилёв номидаги ЕМУ, Satbaev University, Ал-Форобий номидаги Қозоғистон Миллий университети, Абай номидаги Қозоғистон МПУ, Аблай Хон номидаги Қозоғистон халқаро муносабатлар ва жаҳон тиллари университети, СДУ, Хожа Аҳмад Яссавий номидаги халқаро қозоқ-турк университети, Қозоғистон миллий аграр тадқиқот университети.

Энг яхши натижаларни дунёнинг 100 та энг яхши университетлари қаторига киритилган Қозоғистоннинг тўртта университети кўрсатди. Биринчи юзталикка ЕМУнинг 3 та йўналиши – «Замонавий тиллар» 88-ўрин, «Тилшунослик» 94-ўрин ва «Меҳмондўстлик ва дам олишни бошқариш» фанидан университет 51-100 оралиғида ўзининг ўтган йилги мавқеини сақлаб қолди.

Ундан кейинги ўринда «Замонавий тиллар» фан йўналиши бўйича 76-ўринни эгаллаган Ал-Форобий номидаги Қозоғистон Миллий университети турибди.

Қозоғистон Миллий Педагогика университети Таълим ва кадрлар тайёрлаш бўйича энг яхши 100 та фан йўналиши рейтингига кирди ва ушбу рейтингда 76-ўринни эгаллади.

Шу билан бирга, Қозоғистон МПУ «Инглиз тили ва адабиёти» соҳасибўйича 95-ўринни эгаллаб, фан йўналиши рейтингига қайтди. Satbayev University академик обрў кўрсаткичининг сезиларли яхшиланиши туфайли «Нефть ва газ соҳасидаги муҳандислик мутахассисликлари» бўйича 51-100 ўринлар қаторига кирди: барча фан йўналиши рейтингларида академик обрўнинг ўсиш суръати бўйича, университет дунёда иккинчи ўринни кўрсатди.

«Дунёнинг энг яхши университетлари фан йўналишлари рейтингида Қозоғистон университетлари сони саккизтага етди, бу уч йил олдингига нисбатан роппа-роса тўрт баробар кўпдир. Янги фан йўналишлари рейтинги натижалари яна бир бор Қозоғистоннинг замонавий илмий кун тартибига таъсири кучайиб бораётгани университетлар рейтингида кўтарилиш учун асосий имконият бўлиб қолаётганини кўрсатади», — деди QS минтақавий директори Сергей Христолюбов.