Валюталар курси:
    usd/kzt 422.01 eur/kzt 452.06

    rub/kzt 6.75 cny/kzt 62.72
Об-ҳаво маълумотлари:
Нур-Султон : 1 °С
Алматы: 15 °С

Қозоғистоннинг «Фуқаролар учун ҳукумат» корпорацияси  БМТ мукофотига сазовор бўлди

13 Декабрь 16:15

NUR-SULTAN. Кazinform - Бугун, 13 декабр куни Дубайда (БAA) БМТ давлат хизмати ходимларини тақдирлаш маросими бўлиб ўтди. Қозоғистоннинг «Фуқаролар учун ҳукумат» давлат корпорацияси 2020йил якунида давлат хизматини ривожлантиришга қўшган ҳиссаси учун мукофотга сазовор бўлди, дея хабар бермоқда Кazinform Давлат корпорацияси матбуот хизматига таяниб.

Ушбу мукофот ҳар йили БМТ Ижтимоий-Иқтисодий Кенгаши томонидан барча даражадаги давлат хизмати соҳасида еришган улкан ютуқлари учун топширилади. У биринчи марта 2003 йилда Бирлашган Миллатлар Ташкилотининг Иқтисодий ва ижтимоий масалалар департаменти (UNDESA)ва давлат корхоналари ва рақамлаштириш бошқармаси (DPIDG)томонидан таъсис этилган.

БМТнинг Давлат хизмати мукофоти давлат идораларининг янада самарали ва қулай бошқарувни яратишга қўшган ижодкорлиги ва ҳиссасини эътироф етади. Мукофот давлат хизматларининг шаффофлиги, ҳисобдорлиги ва тезкорлигини ошириш, хизматлар кўрсатишни яхшилаш, инновацион механизмлар орқали қарорлар қабул қилишда иштирок этишни рағбатлантириш, бошқарув билимлари алмашинувини рағбатлантириш каби номинациялар бўйича берилади.

Давлат корпорацияси барча учун инклюзив ва адолатли хизматларни тақдим этишда мукаммаллик ва инновациялар учун эътироф этилди. Ташкилотчилардан мукофотни «Фуқаролар учун ҳукумат» давлат корпорацияси бошқаруви раиси Адил Қожихов тантанали равишда қабул қилиб олди.

«Биз ушбу мукофотни олганимиздан жуда хурсандмиз. Фуқароларга давлат хизматларини кўрсатиш борасидаги фаолиятимиз БМТ вакиллари томонидан юқори баҳоланди. Биз рақамли трансформация орқали барча тоифадаги одамлар учун қулай ва адолатли муҳит яратганимиз учун тан олинганмиз. Биз мижозларимиз учун энг яхши шароитларни яратишга ҳаракат қиламиз. Биз бу борадаги ишларни давом эттирамиз. Давлат корпорациясининг ҳар бир ходимига соҳамиз ривожига қўшаётган ҳиссаси учун миннатдорчилик билдираман. Бу бизнинг умумий муваффақиятимиз ва эътироф этилишимиздир», - деди Адил Кожихов.

Давлат хизматини ривожлантиришга қўшган ҳиссаси учун танловда БМТга аъзо давлатларнинг исталган ташкилоти қатнашиши мумкин. 2003 йилдан бери мукофот дунёнинг 82 давлатида 250 та ташаббусга топширилган.

«Фуқаролар учун ҳукумат» давлат корпорацияси Астана минтақавий хаби билан давлат хизмати соҳасида ҳамкорлик тўғрисидаги қўшма меморандум доирасида кўрсатилган.

Эслатиб ўтамиз, «Фуқаролар учун ҳукумат» давлат корпорацияси 2016 йилда ташкил этилган бўлиб, фуқароларга давлат хизматларини кўрсатиш бўйича ягона провайдерга айланган.


Новости по теме
Ўхшаш янгиликлар