Қозоғистоннинг энергетика соҳасидаги лойиҳаларида 12 мингдан ортиқ иш ўринлари яратилади

NUR-SULTAN. Kazinform – ҚР Энергетика вазири Мағзум Мирзағалиев бугун Ҳукумат йиғилишида Саноатлаштириш харитаси лойиҳалари муҳокамаси пайтида ёқилғи -энергетика соҳасидаги лойиҳалар ҳақида гапириб берди, деб хабар беради Kazinform мухбири.

«Саноатлаштириш харитаси доирасида вазирлик вилоят ҳокимликлари билан биргаликда ёқилғи -энергетика соҳасида қиймати 4,5 трлн тенгени ташкил этувчи 16 та лойиҳани амалга оширмоқда. Республика харитасида қиймати 4,3 трлн тенгени ташкил етувчи учта лойиҳа кўзда тутилган. Бу лойиҳалар натижасида 12,550 га яқин иш ўринлари яратилади. Қурилиш мавсумида қарийб ўн бир минг киши, фойдаланиш даврида 1650 киши иш билан таъминланади. 2021 йилда қиймати 25 млрд тенгени ташкил этувчи битта лойиҳа амалга оширилди «, - деди М. Мирзағалиев.

Унга кўра, ҳозирда умумий қиймати 4,3 трлн тенге бўлган 2 та лойиҳа амалга оширилмоқда. Шунингдек, Минтақавий харитада қиймати икки юз млрд тенгега тенг 16 та лойиҳа кўзда тутилган. Бу ерда уч мингга яқин иш ўрни яратиш режалаштирилган. Хусусан, қурилиш мавсумида икки ярим минг кишини, фойдаланиш босқичида эса тахминан 450 кишини иш билан таъминлаш режалаштирилган. Бугунги кунда битта лойиҳа якунланди. Унинг умумий суммаси 1,9 млрд тенгени ташкил этди. 15 та лойиҳа амалга оширилмоқда. Уларнинг умумий суммаси икки юз млрдга яқин.

«Улардан 14 таси жорий йилда амалга оширилиши режалаштирилган. Битта лойиҳани амалга ошириш 2022 йилга режалаштирилган «, - деди вазир.

Муаллиф: Руслан Ғаббасов