Валюталар курси:
    usd/kzt 426.32 eur/kzt 496.24

    rub/kzt 6.04 cny/kzt 66.74
Об-ҳаво маълумотлари:
Нур-Султон : 0 °С
Алматы: °С

Қозоғистоннинг Биринчи Президенти Нурсултон Назарбоев Евроосиё Медиа Форуми иштирокчиларини табриклади

16 Сентябрь 11:01

NUR-SULTAN. Kazinform- Қозоғистон Республикасининг Биринчи Президенти - Елбасқ Нурсултон Назарбоев ХVII Евроосиё Медиа Форуми иштирокчиларини табриклади, деб хабар беради Kazinform мухбири.

«ХVII Евросиё Медиа Форуми иштирокчилари ва меҳмонларини табриклашдан хурсандман. Ўтган йиллар мобайнида форум ўзаро фикр алмашиш учун тан олинган медиа -майдонга айланди. Таниқли сиёсатчилар, экспертлар ва етакчи оммавий ахборот воситалари вакиллари бу ерда жаҳон ҳамжамияти учун энг долзарб муаммоларни кўриб чиқмоқдалар, уларни ҳал қилишнинг янги ёндашувларини ишлаб чиқмоқдалар «,-деди Қозоғистон Республикаси Давлат котиби Қиримбек Кушербаев Нурсултон Назарбоевнинг мурожаатини ўқиб.

Нурсултон Назарбоев таъкидлашича, форум ўз тарихида биринчи марта онлайн форматида ўтказилмоқда, лекин бу Евроосиё ва жаҳоннинг долзарб муаммоларининг аҳамияти ва кенг муҳокамасига ҳеч қандай таъсир кўрсатмайди.

«Бу йил Қозоғистон давлат мустақиллигининг 30 йиллигини нишонламоқда. Биз узоқ ва қийин йўлни босиб ўтдик, бу йўлда ҳамма тан олган муҳим натижаларга эришдик. Бугун мамлакатимиз олдига янги улкан вазифа - 2050 йилга келиб дунёнинг энг ривожланган 30 давлати қаторига қўшилиш вазифаси қўйилган. Одамлар бирлиги ҳар доим Қозоғистоннинг олдинга силжишининг ядроси бўлганлиги сабабли, бу стратегик мақсадга ҳам эришилади «, - таъкидлади Елбасы.

Нурсултон Назарбоев янги глобал муаммолар ва пандемияга қарши курашнинг ҳозирги шароитида бутун инсоният учун бирдамлик тамойили бўлиши кераклигини таъкидлади.

«Барча форум иштирокчиларига самарали мунозара тилайман. Сизнинг ишингиз замонавий дунёни янада ривожлантириш фақат бирлик, мулоқот ва ўзаро ҳурмат орқали мумкин эканлиги ҳақидаги глобал хабардорликка хизмат қилсин «, - деди Елбасы форум иштирокчиларига.

Муаллиф: Aқбота Кузекбай

Новости по теме
Ўхшаш янгиликлар