Қозоғистоннинг 20 та олий ўқув юрти Президент олимпиадаси ғолибларига грантлар топширди

NUR-SULTAN. Kazinform – Қозоғистоннинг 20 та олий ўқув юрти Президент олимпиадаси ғолибларига махсус таълим грантларини тақдим этди, деб хабар беради Kazinform ҚР Таълим ва фан вазирлиги матбуот хизматига таяниб.

15-18 ноябр кунлари табиий-математика фанлари бўйича олимпиаданинг республика босқичи бўлиб ўтди. Интеллектуал беллашув натижаларига кўра 48 нафар ўқувчи ғолиб ва ​​совриндор бўлди.

ҚР Таълим ва фан вазирлиги I даражали диплом билан - 11 ўқувчи, II даражали диплом билан - 15 ўқувчи, III даражали диплом билан - 22 ўқувчи тақдирланди.

«Таълим ва фан вазирлиги томонидан Давлат раҳбарининг топшириғига кўра, иқтидорли болаларни қўллаб-қувватлаш чоралари кўрилмоқда. Қозоғистоннинг 20 та олий ўқув юрти Президент олимпиадаси ғолиб ва ​​ совриндорларини қўллаб-қувватлаш истагини билдирди ва уларга махсус грантлар ажратди. Бу Олимпиада давомида иқтидорли болаларни рағбатлантиришга қаратилган илк мисли кўрилмаган тадбирдир. Бундай қўллаб-қувватлаш иқтидорли болалар салоҳиятини рўёбга чиқариш, мамлакатимиз инсон капиталини ривожлантиришга салмоқли ҳисса қўшиш имконини беради. Шунингдек, ўқувчиларга ҚР Таълим ва фан вазирлигининг диплом, медал ва таълим сертификатлари топширилди. Таъкидлаш жоизки, ўқувчиларимизнинг мамлакатимиз миқёсида, ҳаттоки турли халқаро мусобақаларда ҳам натижалари тобора ортиб бормоқда», – дейди «Дарин» республика илмий-амалий маркази директори Тимур Нуркешов.

Президент олимпиадаси ғолиб ва ​​совриндорларига грантлар ажратган 20 та университет рўйхати:

1. Академик Е. А. Букетов номидаги Қарағанди университети;

2. С. Аманжолов номидаги Шарқий Қозоғистон университети;

3. Сатпаев университети;

4. Сафи Утебаев номидаги Атирау нефт ва газ университети;

5. М. Ауезов номидаги Жанубий Қозоғистон университети;

6. Х. Досмуҳамедов номидаги Атирау университети;

7. Рудний индустриал институти;

8. Қорқит ота номидаги Қизилўрда университети;

9. К. Жубанов номидаги Ақтўбе вилоят университети;

10. Павлодар педагогика университети;

11. И. Алтинсарин номидаги Арқалиқ педагогика институти;

12. Нархоз;

13. Қозоқ-Британ техника университети;

14. М. С. Нариқбаев ҚазГЮУ университети;

15. Алмати Менежмент университети;

16. Жанубий Қозоғистон давлат педагогика университети;

17. Ш. Валиханов номидаги Кўкшетау университети;

18. Миржақип Дулатов номидаги Қостанай муҳандислик-иқтисодиёт университети;

19. Каспий давлат университети;

20. Хожа Аҳмет Ясавий номидаги халқаро қозоқ-турк университети;