Қозоғистоннинг 11 ҳудудида об-ҳаво бўйича огоҳлантириш эълон қилинди

ASTANА. Кazinform - Синоптиклар 5 январ куни Қозоғистоннинг бир қатор ҳудудларида бўронли об-ҳаво бўлишини эълон қилди, дея хабар беради Кazinform «Қазгидромет» матбуот хизматига таяниб.

Ақмўла вилоятининг ғарб, жануб, шарқида қор бўрони, туман тушиши, яхвонлик кутилмоқда. Жануби-ғарбий шамол ғарб, жануб, шарқдан 15-20 тезликда эсади, кечаси вилоят шарқида 23 м/сгача кучаяди.

Ақтўбе вилоятининг шимоли ва жанубида яхвонлик кутилмоқда. Ҳудуднинг жануби-ғарбий қисмида туман тушиши кутилмоқда. Кечаси жануби-ғарбдан эсаётган шамол шимолда, вилоят марказида 17 м/с тезликда эсади.

Астана шаҳрида вақти-вақти билан бўрон бўлиши кутилмоқда. Кечаси жануби-ғарбдан эсаётган шамолнинг тезлиги 15-20 м/сга етади.

Жамбил вилоятининг жануби ва тоғли ҳудудларида туман тушиши мумкин. Шамол вилоятнинг жануби-ғарбий қисмида тоғли ҳудудларда 15-20 тезликда эсади, кечаси ва эрталаб 23-28 м/сгача кучаяди. Тараз шаҳрида вақти-вақти билан туман тушиши мумкин. Шамол жануби-ғарбдан эсади, кечаси ва эрталаб 15-20, вақти-вақти билан 23-28 м/с тезликда эсади.

Кечаси ва эрталаб Жетису вилоятининг жануб, марказ ва тоғли ҳудудларида туман ва яхвонлик кутилмоқда. Вилоятнинг шимоли-шарқида жануби-ғарбий йўналишда эсаётган шамол тезлиги 15-20 м/сга етади.

Ғарбий Қозоғистон вилоятининг шимоли ва шарқида туман тушиши ва яхвонлик ҳосил бўлиши мумкин. Орал шаҳрида кечаси ва эрталаб туман тушиши, яхвонлик ҳосил бўлиши кутилмоқда.

Манғистау вилояти ғарб, жануб ва марказида туман тушиши мумкин. Ҳудуднинг шимолида яхвонлик ҳосил бўлади. Шимоли-ғарбдан шамол эсади, кечаси вилоятнинг жануби-ғарбида 15-20 м/сгача етади. Ақтау шаҳрида кечаси туман тушиши кутилмоқда.

Қизилўрда вилояти шимолида туман тушиши ва яхвонлик ҳосил бўлиши мумкин. Шамол жануби-ғарбдан шимоли-ғарбга ўтиб, кечаси ва эрталаб вилоят марказида 15-20 м/с тезликда эсади.

Павлодар вилоятининг жануби, шарқида паст қор бўрони, яхвонлик ҳосил бўлиши кутилмоқда. Жануби-ғарбда 15-20 м/с тезликда шамол эсади. Павлодар шаҳрида эса қор бўрони, яхвонлик ҳосил бўлиши кутилмоқда. Кечаси жануби-ғарбдан эсаётган шамолнинг тезлиги 15-18 м/сга етади.

Шимолий Қозоғистон вилоятининг аксарият қисмида кечаси қор ёғиши кутилмоқда. Ҳудуднинг жануби-ғарбий қисмида паст қор бўрони кутилмоқда. Вилоятнинг ғарби ва шарқида туман тушади.

Туркистон вилоятининг тоғли ҳудудларида паст қор бўрони кутилмоқда. Вилоятнинг жанубида, тоғли ҳудудларида туман тушиши мумкин. Шамол жануб, шимол, жануби-ғарб, ғарб, тоғли ҳудудларда 15-20 тезликда эсади, кечаси ва эрталаб 25 м/с тезликда эсади. Туркистон шаҳри жануби-ғарбида 15-20 м/с тезликда шамол эсади.