Қозоғистоннинг 11 шаҳрига «Шонли меҳнат шаҳри» унвонини бериш таклиф қилинди

NUR-SULTAN. Kazinform – Россия тарих жамияти ІІ жаҳон урушидаги ғалабага беқиёс ҳисса қўшган Қозоғистон аҳоли пунктларига «Шонли меҳнат шаҳри» унвонини беришни таклиф қилди, деб хабар беради Kazinform ҚР Мудофаа вазирлиги матбуот хизматига таяниб.

Рўйхатда ўн битта шаҳар бор. Улар Нур-Султан, Алмати, Чимкент, Ақтўбе, Қарағанди, Қостанай, Петропавл, Семей, Тараз, Орал, Ўскемен.

«Ғалабанинг 77 йиллиги арафасида аждодларимиз қаҳрамонлиги хотирасига доимий содиқ эканимизни тасдиқловчи муҳим тадбир ўтказилмоқда. Россияда бошланган «Шонли меҳнат шаҳри» лойиҳаси Қозоғистонда давом эттирилади. Маълумки, уруш йилларида Қозоғистон «фронт арсенали» ва хом ашё ва озиқ-овқат базасига айланди, мудофаа саноатининг асосий қисмини зарур ёқилғи билан таъминлади, кўмир, рангли металлар ишлаб чиқарди, эвакуация қилинган 220 та завод ва фабрикаларни қабул қилди», - деди ҚР мудофаа вазири ўринбосари, генерал-лейтенант Султан Камалетдинов Россия тарих жамияти делегацияси билан учрашувда.

Делегация Давлат ҳарбий-тарихий музейига қозоғистонлик аскарларнинг ІІ жаҳон урушидаги қаҳрамонликлари ҳақидаги ноёб архив ҳужжатлари ва материалларини тақдим этди.

Қозоғистондан фронтга кетганларнинг умумий сони 1,2 миллионга яқин бўлиб, уларнинг ярми урушдан қайтмаган. Юртимизда 12-чи ўқчилар ва 4-чи ўқчилар дивизияси, 7-чи ўқчилар бригадаси ҳамда 50га яқин полк ва батальонлар тузилди.

Урушдаги қаҳрамонликлари учун 500га яқин қозоғистонлик Совет Иттифоқи Қаҳрамони унвони билан тақдирланди.

Бундан ташқари, 700 мингдан ортиқ киши саноатга жалб қилинди. Қозоғистонда 35% мис, 83% қўрғошин, 60% молибден, 65% висмут ишлаб чиқарилган. Қарағанди вилояти 35 миллион тонна кўмир етказиб берди. Бу даврда меҳнаткашлар томонидан 5 миллион тоннадан ортиқ нон, 700 минг тоннадан ортиқ гўшт етиштирилди.

Маълумки, жанг майдонида отилган 10 та ўқдан 9 таси қозоқ қўрғошиндан ясалган.