Қозоғистонликларнинг умр кўриш давомийлиги ошади - ССВ
5 Июль 16:15

Қозоғистонликларнинг умр кўриш давомийлиги ошади - ССВ

NUR-SULTAN. Кazinform - 2025 йилга келиб соғлом турмуш тарзига амал қиладиган фуқаролар улушини 40 фоизга, ўртача умр кўришни эса 75 ёшга етказиш режалаштирилган. Бу ҳақда ҚР Соғлиқни сақлаш вазири Ажар Ғиният маълум қилди, дея хабар беради Kazinform мухбири.

«Аҳолининг ҳаёт сифатини ошириш мақсадида «Соғлом миллат» миллий лойиҳаси қабул қилинди. Лойиҳа бўйича қишлоқ аҳолисига арзон ва сифатли тиббий ёрдам кўрсатиш, дори-дармон, профилактика, жумладан, кўрик ва скрининг текширувлари, руҳий ва репродуктив саломатлик хизматларини кўрсатиш учун ёшлар саломатлиги марказлари мавжудлигини таъминлаш чора-тадбирлари амалга оширилади», — деди А. Ғиният бугун Ҳукумат йиғилишида.

Шунингдек, соғлом турмуш тарзини шакллантириш, алкогол ва тамаки маҳсулотлари истеъмолини камайтириш, юқумли ва юқумли бўлмаган касалликларни камайтириш, жароҳатланишнинг олдини олиш ва соғлом турмуш тарзини шакллантириш масалалари юзасидан ахборот-тушунтириш ишлари олиб борилмоқда.

«Кўрилган чора-тадбирлар натижасида 2025 йилга бориб соғлом турмуш тарзига амал қиладиган фуқаролар улуши 40 фоизга, ўртача умр кўриш давомийлиги 75 ёшга ошади, юқумли бўлмаган касалликлар 7 фоизга қисқаради, тиббий реабилитация хизматлари 75 фоизгача қопланади», - деди Ажар Ғиният.

Муаллиф: Айжан Серикжанқизи
Ўхшаш янгиликлар

Янгиликлар

Архив