Қозоғистонликларга Янги йилни яқинлари даврасида нишонлаш ва карантинга риоя қилиш тавсия этилди

NUR-SULTAN. Kazinform - Қозоғистон Бош вазири ўринбосари Ерали Тоғжанов раислигида Қозоғистонда коронавирус инфекцияси тарқалишининг олдини олиш бўйича идоралараро комиссияси йиғилиши бўлиб ўтди, деб хабар беради Кazinform.

«Бош вазир ўринбосари қозоғистонликларни бўлажак байрамларда санитария талаблари ва карантин чораларига риоя қилишга чақирди. Барча оилавий тадбирларни, шу жумладан Янги йилни хорижда, корпоратив кеча ёки зиёфатда эмас, балки уйда - энг қадрли одамлар орасида нишонлаш керак «, - дейилади Қозоғистонда коронавирус инфекцияси тарқалишининг олдини олиш бўйича идоралараро комиссияси хабарида.