Қозоғистонлик теннисчилар Туркия ва Норвегияда ўтказилган мусобақада ғолибликни қўлга киритди
Қозоғистон теннис федерациясидан маълум қилишларича, Григорий Ломакин Туркияда украиналик Олег Приходько билан жуфтлик баҳсларида ғолиб чиқди (мукофот жамғармаси – 15 AҚШ доллари).
Финалда Қозоғистон-Украина жуфтлиги япониялик Кайто Уесиги ва Тосихиде Мацуи устидан 7:5, 3:6, 10:5 ҳисобида зафар қучди.
Шу тариқа, Г.Ломакин ITF сериясининг жуфтлик баҳсларида 14-чи, мавсумдаги еттинчи чемпионлигини қўлга киритди.
Зангар Нурланули Норвегияда 14 ёшгача бўлган теннисчилар ўртасидаги учинчи тоифадаги Tennis Europe яккалик баҳсларида чемпион бўлди.
Финалда З.Нурланули франциялик Лене Кутюрьени 6:3, 6:4 ҳисобида мағлуб этди.
Бу йил Занғар Нурланули тўрт марта финалга чиқди, шундан иккитасида рақибини мағлуб этди. Ўзининг айтишича, у келаси йили ҳам Норвегияда ўйнайди.
Муаллиф: Елжан Ерали