Қозоғистонлик теннисчилар АҚШдаги мусобақанинг чорак финалида тўқнаш келади

ASTANA. Kazinform – Қозоғистонлик Бейбит Жуқаев ва Михаил Кукушкин АҚШнинг Литл-Рок шаҳрида ўтказилаётган челленджер турнирининг чорак финалида тўқнаш келади, деб хабар беради Kazinform мухбири.

Дунёнинг 325-ракеткаси, 22 ёшли Б.Жуқаев саралаш баҳсларидан сўнг мусобақага қўшилди ва рейтингда 333-ўринни эгаллаб турган германиялик Петер Гоёвчикни 6:2, 6:2 ҳисобида мағлубиятга учратди.

Кейин эса иккинчи раундда сенсация кўрсатиб, дунё рейтингида 187-ўринни эгаллаб турган, ушбу турнирнинг 2-ракеткаси америкалик Николас Морено-Де-Альборанни 6:2, 6:7 (1:7), 7:6 (7:5) ҳисобида мағлубиятга учратди.

Дунёнинг 296-ўйинчиси Михаил Кукушкин илк бор рейтингда 1379-ўринни эгаллаб турган америкалик Майкл Чженни ортда қолдирди – 7:6 (7:5), 6:3. Иккинчи даврада эса дунёнинг 246-ракеткаси америкалик теннисчи Сандгрендан устун келди – 6:2, 7:5.

Шу тариқа, Б.Жуқаев ва М.Кукушкин ярим финал йўлланмаси учун кортга чиқади.

Муаллиф: Ғайсағали Сейтақ