Қозоғистонлик теннисчи Елена Рибакина жаҳон рейтингининг кучли учлигига кирди

ASTANA. Kazinform - Бир кун аввал «Ролан Гаррос»ни муваффақиятли бошлаган қозоғистонлик теннисчи Елена Рибакина WТА рейтингида ўз ўрнини яхшилади, дея хабар беради Kazinform Sports.kzга таяниб.

Рейтингнинг live-версиясида Рибакина тўртинчи ўриндан учинчи ўринга кўтарилди. Шунингдек, рейтинг жадвалида пешқадамлик ўзгарди - беларуслик Арина Сабаленка биринчи, польшалик Игу Швентек иккинчи ўринни эгаллади.

Бу ўзгаришлар ўйинчилардан ўтган йилги «Ролан Гаррос» мусобақасининг рейтинг очколари олиб қўйилгани билан боғлиқ. Шу билан бирга, WТА рейтингининг расмий версияси фақат Франция Очиқ чемпионати якунланганидан кейин оммага эълон қилинади ва теннисчиларнинг якуний позициялари уларнинг турнирдаги натижаларига боғлиқ бўлади.

Эслатиб ўтамиз, Елена Рибакина «Ролан Гаррос»даги илк учрашувида Чехиянинг умидли 16 ёшли вакили Бренда Фрухвиртовани 6:4, 6:2 ҳисобида мағлуб этганди.

Қозоғистоннинг биринчи ракеткаси иккинчи даврада яна бир чехиялик спортчи Линда Носкова билан учрашади.