Қозоғистонлик теннисчи АҚШ турнири чемпиони бўлди

None
None
NUR-SULTAN. Kazinform - Қозоғистонлик теннисчи Анна Данилина АҚШнинг Ландисвилл (Пенсилвания) шаҳрида бўлиб ўтган ITF W100 турнирида жуфтлик баҳсларида ғолиб бўлди, деб хабар бермоқда Kazinform.

Қозоғистон теннис федерациясининг хабар беришича, Анна мусобақанинг биринчи ракеткаси сифатида рўйхатга олинган. Данилина америкалик Софи Чанг билан биргаликда осонгина финалга чиқди.

Улар финалда жанубий кореялик Хан-На Ли ва Джан-Су Йонг жуфтлиги билан бош соврин учун кураш олиб боришди.

Данилина ва Чанг рақибларини 2:6, 7:6 (7:4), 11:9 ҳисобида мағлуб этишди.

Шундай қилиб, А. Данилина Халқаро теннис федерацияси (ITF) томонидан ўтказилган турнирларда 26-чи марта чемпионликни қўлга киритди. Бунгача, у уч марта WTA мусобақаларида (2021 йилда - Poland WTA-250, 2022 йилда - Sydney WTA-500, Warsaw WTA-250) зафар қучган.

Фото: ktf.kz

Сўнгги хабарлар