Қозоғистонлик талабалар Гонконгда грант асосида таҳсил олади – ҚР Фан ва олий таълим вазири

ASTANA. Кazinform – ҚР Фан ва олий таълим вазири Саясат Нурбек Гонконг Таълим вазири Christine Choi Yuk-lin билан учрашиб, Жаҳон таълим форуми доирасида ушбу масалани муҳокама қилди, дея хабар беради Кazinform.

«Барчамиз биламизки, Гонконг университетлари дунёдаги энг яхши таълим муассасаларидан ҳисобланади. Бугун биз вазир Christine Choi Yuk-lin билан вазирлигимиз ва Гонконг Таълим вазирлиги ўртасида имзоланиши режалаштирилган меморандумда акс эттирилиши лозим бўлган масалаларни муҳокама қилдик. Улардан бири талабаларимизга Гонконг томони томонидан грантлар ажратилишидир. Якуний ҳужжатни шу йилнинг ёзида имзолашни режалаштирганмиз.

Шунингдек, мен ҳукумат вакили Christine Choi Yuk-linга «Болашақ» дастури (айниқса, «DeepTech» йўналиши бўйича тадқиқот ва ишланмалар соҳасида) доирасида қозоғистонлик олимларнинг Гонконгда амалиёт ўташи масаласини кўриб чиқишни таклиф қилдим», - деб ёзди Ҳукумат вакили.

Учрашув якунида вазирга Қозоғистонда олий таълимни халқаролаштириш бўйича амалга оширилаётган ишлар, жумладан, етакчи хорижий олий таълим муассасалари филиалларини очиш жараёни ҳақида сўзлаб берилди.

«Шу муносабат билан мен ҳамкасбимиздан Гонконг олий таълим муассасалари раҳбариятига таълим муассасаларимиз ҳамкорликни кенгайтиришга тайёрлиги, шунингдек, Қозоғистон олий таълим муассасаларида икки диплом бериш дастури жорий этилиши ва филиаллар очилиши ҳақида маълумот беришни сўрадим», – дейди Саясат Нурбек.