Қозоғистонлик талаба курьер ўрнини босувчи дрон ихтиро қилди
«Сулаймон Демирел университетининг 4-курс талабаси Бексултан Айтен курьерлик хизматлари ўрнини босадиган дрон ихтиро қилиб, ёш миллионерга айланди. Бу дронлар мижозга гамбургер, пицца, донер каби фаст-фудларни тез фурсатда етказиб бера олади. Энди унинг дронига ишбилармонлар ҳам қизиқиш билдирмоқда. Муҳандислик ва фан талабаси олти хил дрон прототипига эга ва у бу дронларни ҳам сотувга чиқаради.
У СДУ технопаркида рақамли технологиялар соҳасидаги лойиҳаларини ишлаб чиқди. Энди у келажакда ҳарбий мақсадларда фойдаланиш мумкин бўлган робот-дронларни яратмоқчи. Бексултан, шунингдек, болалар мустақил равишда ажойиб технологиялар яратиши учун робототехникани ўрганиш учун ўқув тўпламларини яратишни режалаштирмоқда», — дейилади ҚР Фан ва олий таълим вазирлиги матбуот хизмати хабарида.