Қозоғистонлик спортчи Дубайда ядро улоқтириш бўйича турнирда олтин медални қўлга киритди

ASTANA. Kazinform - Қозоғистонлик Равил Мансурбаев ядро улоқтириш бўйича жаҳон Гран-присини қўлга киритди, дея хабар беради Kazinform Имконияти чекланган шахсларни спортга тайёрлаш марказига таяниб.

Равил F-46 тоифасида иштирок этди ва 14,43 метр натижа кўрсатди. Хитойлик Уей Енлонг 14,28 метр билан иккинчи, қувайтлик Алсалах Абдулла 13,39 метр билан учинчи ўринни эгаллади.

Бу қозоғистонликларнинг жаҳон Гран-приси туркумидаги учинчи медалидир. Бунгача найза улоқтиришда Руфат Хабибуллин олтин, ядро улоқтириш баҳсларида Дастан Мукашбеков кумуш медални қўлга киритган эди.

Пара енгил атлетика бўйича Жаҳон Гран-приси 26 февралдан 1 мартгача Дубайда бўлиб ўтди. Мусобақада 61 давлатдан 545 нафар спортчи иштирок этди.

Фото: csp-parasport.kz