Қозоғистонлик рассом «Умай она» картинасини сотишдан тушган 10 млн тенгени Туркияга хайрия қилди

ASTANА. Кazinform – Таниқли рассом Ерболат Тўлепбай «Умай она» картинасини сотишдан тушган 10 миллион тенгени Туркиядаги зилзила қурбонларига хайрия қилди, деб хабар беради Кazinform мухбири.

Эслатиб ўтамиз, Туркиядаги бахтсиз ҳодисадан сўнг рассом «Туркияга қозоқ санъати ёрдами» акцияси ташаббускори бўлиб, маданият ва санъат соҳасидаги барча ҳамкасблари, заргарлар, санъаткорлар, хонандалар, актёрлар, шоирлар, ёзувчиларни тадбирда фаол иштирок этишга чақирди.

Тадбирга қўшилганлар ҳам бўлди. Шу тариқа, рассомнинг «Умай она» картинаси 10 миллион тенгега сотилди ва барча пул Туркия элчихонаси очган махсус фондга ўтказилди. Ушбу муаммонинг аниғини билиш учун жаноб Ерболат Тўлепбайнинг ўзи билан боғландик.

«Эълон қилинган мурожаатдан сўнг мен аукцион масаласи билан шуғулландим. Катта аукционни кутиш учун бироз вақт керак бўлади. Ҳозирги қийин даврда эса Туркия томонига катта маблағ керак. Шунинг учун мен шошилинч аукцион уюштирдим. Унда Қанат Тўлеметов бошчилигидаги беш нафар йигит иштирок этди. Рустем Қораев, Ержан Омаров, Виталий Ким, Азамат Сирғабаев каби саховатпеша инсонлар бу таклифга қўшилди, – дейди Ерболат Тўлепбай.

Рассом «Умай она» картинасини кимошди савдосига қўйганидан сўнг, уни юқорида номи тилга олинган 5 нафар йигит 10 миллион тенгега сотиб олди.

«Бу менинг юқори сифатли биринчи ишларимдан бири эди. Бешта саховатпеша йигит қўшилди ва аукцион давомида картинани 10 миллион тенгега баҳолади. Муҳокамалардан сўнг улар асарни ҳам Туркияга совға сифатида топширишга қарор қилишди. Кейин Туркиянинг Алматидаги Бош консуллигига бориб, Туркиядаги офатдан жабр кўрган биродарларимизга ёрдам сифатида 10 миллион тенге ўтказдик. «Умай она» картинасини ҳам топширдик», - деди у.

Муаллиф: Марлан Жиембай