Қозоғистонлик ўқувчиси Таиландда муай-тай бўйича жаҳон чемпионатининг кумуш медали совриндори бўлди
«Таиландда бўлиб ўтган муай-тай бўйича жаҳон чемпионатида Қозоғистон терма жамоаси сафида Павлодар вилоятидан 11 нафар жангчи, жумладан, Б.Момишули номидаги Павлодар мактабининг 9-синф ўқувчиси Рахат Амантай иштирок этди. Кумуш медалларни 4 нафар павлодарлик қўлга киритди, улар орасида муай-тай бўйича спорт устаси, 8 та олтин, 4 та кумуш, 1 та бронза медали соҳиби Р. Амантай ҳам бор», - дея хабар берди Павлодар шаҳар таълим бўлими.
Бўлим маълумотларига кўра, шогирдни мусобақага мураббий Марат Смағулов тайёрлаган, Дамир Фатхутдинов эса бош мураббийлик қилган. Иккаласи ҳам муай-тай бўйича спорт устаси.
Раҳат 11 ёшидан «Бирлик» спорт клубида ушбу жанг санъати билан шуғулланади. У ердаги мураббийи Азамат Абишев.
«Рахат турли даражадаги медаллар соҳиби: вилоят биринчилиги ғолиби, Қозоғистон чемпионати совриндори (2019), Қозоғистон чемпионати (2022), очиқ шаҳар чемпионати совриндори (2021), Жаҳон чемпионати (2022)», - қўшимча қилди шаҳар маъмурияти.
Муаллиф: Антон Гагарин
Фото: Павлодар шаҳар таълим бўлими