Қозоғистонлик ўқувчи халқаро олимпиадада олтин медални қўлга киритди

AQTÓBE. Kazinform – Ақтўбелик ўқувчи Санжар Хамитов бу гал IGeO-2022 халқаро олимпиадасида олтин медални қўлга киритди. Бу унинг иккинчи йирик ғалабаси, деб хабар беради Kazinform мухбири.

IGeO-2022 халқаро география олимпиадасида Назарбаев интеллектуал мактаби ўқувчиси Санжар Хамитов олтин медални қўлга киритгани маълум бўлди. Бу мазкур олимпиададаги иккинчи йирик ғалабадир.

Парижда масофадан ташкил этилган интеллектуал мусобақада дунёнинг 54 давлатидан 216 нафар ёш географ иштирок этди. Иштирокчилар ёзма ва мультимедиа тестлари ҳамда картографик тасвирлаш топшириқларини топширдилар. Натижада Қозоғистон терма жамоаси номидан иштирок этган ақтўбелик ўқувчи IGeO-2021 танлови ғолибига айланди.

«IGeO-2022 халқаро олимпиадасида қатнашиш менинг орзуим эди. Шундай қилиб, 9 синфдан бошлаб тинимсиз меҳнат қилдим. Агар Олимпиадада ғолиб бўлсам, совринни қўлга киритаман деб умуман ўйламагандим. Лекин ўқишдан, изланишдан тўхтамадим», - дейди Санжар Хамитов.

У, айниқса, география фанини яхши кўради. Эслатиб ўтамиз, Санжар Хамитов бундан олдин IGeO-2022 Европа Олимпиадасида ғолиб чиққан эди. У олий лиганинг 16-19 ёшли иштирокчилари ўртасида мутлақ ғолиб бўлди.

«Вазир Асхат Аймағамбетов олимпиада ғолибларига илк бор пул мукофотлари берилишини таъкидлади. Бундан ташқари, мактаб ичидаги олимпиада ғолиблари мамлакатимиз олий таълим муассасаларига Миллий Ягона Тестдан ўтмасдан ўқишга кириш имкониятига эга. Масалан, олтин медални қўлга киритган ўқувчи 4,5 миллион тенгедан, кумуш медал соҳибига 3 миллион тенгедан, бронза медали соҳибига эса 1,5 миллион тенгедан ортиқ пул мукофоти берилади. Ўқувчиларни танловга тайёрлаган ўқитувчилар ҳам тақдирланишини вазирлик маълум қилди», - деди Ақтўбе шаҳридаги Назарбаев интеллектуал мактаби матбуот хизмати.

Муаллиф: Алтинай Сағиндиқова