Қозоғистонлик ёш режиссёрнинг «Мариям» фильми Каннда махсус мукофотга сазовор бўлди

NUR-SULTAN. Кazinform - Каннда бўлиб ўтган CANNES SHORTS қисқа метражли фильмлар фестивалида Қозоғистоннинг «Мариям» фильми махсус мукофотга сазовор бўлди (Томошабинлар меҳри), деб хабар беради Kazinform фильм режиссёри Маржан Бекмағанбетовага таяниб.

«Мариям» фильми Маржан Бекмағанбетованинг режиссёрлик дебюти ҳисобланади. «Куздан бери фестивалларда қатнашаман. Бугун эса «Мариям» фильми «Томошабинлар меҳри» мукофотини олгани ҳақида хат олдим. Канн кинофестивали жаҳонга машҳур рассом ва режиссёрлар томонидан ёш истеъдодларни намойиш этиш мақсадида яратилган ноёб кинофестивалдир», — деди Маржан Бекмағанбетова.

«Мариям» фильми Тhe Lift Оff Sessions фестивалининг асосий танловида ғолиб чиқди. 2019 йил қишида улар Ақмола вилоятининг Жалтир станциясида қисқа метражли фильм суратга олишди. «Менинг бувим ва бобомни тажрибасиз актёрлар – бувим Жаналған Кузенова ва бобом Тарих Кузеновлар ижро этишади», - дейди фильм муаллифи.

Бош қаҳрамонни ўша пайтда Қозоғистон Миллий санъат университети талабаси бўлган ёш актриса Aйғаним Утегенова ижро этган. Қаҳрамон Зере ролини Aзел Қанатбек ижро этган. Фильм қамоқдан туғилиб ўсган қишлоғига қайтган ёш қиз Мариямнинг ҳаётига асосланган.