Қозоғистонлик енгил атлетикачи қиз Осиё рекордини ўрнатди

NUR-SULTAN. Kazinform – Шу кунларда Алматидаги Марказий стадионда бўлиб ўтаётган Қозоғистон чемпионатида баландликка сакраш бўйича Осиё рекорди ўрнатилди, деб хабар бермоқда Kazinform Sports.kzга асосланиб.

«Надежда Дубовицкая Осиё рекордини ўрнатди. Натижа - икки метр!», - деб хабар берди манба.

Ўтган йили Дубовицкая Туркиядаги халқаро мусобақанинг чемпиони бўлди, ўша пайтда унинг энг яхши натижаси 1,9 метрни ташкил этганди.

Қозоғистон чемпионати - 2021 мусобақасида мамлакатимизнинг барча ҳудудларидан жами 241 спортчи қатнашмоқда.

Эслатиб ўтамиз, кеча спортчи Мария Овчинникова узунликка сакраш бўйича 2020 йил Токиода бўлиб ўтадиган Олимпия ўйинларида қатнашиш йўлланмасини қўлга киритганди. Мария ўзининг энг яхши уринишида 14,34 метр натижани кўрсатган.