Қозоғистонлик боксчиларнинг WBО янгиланган рейтингидаги ўрни маълум бўлди

ASTANА. Кazinform - Бутунжаҳон бокс ташкилоти (WBО) барча вазн тоифаларидаги жангчилар рейтингининг жорий талқинини эълон қилди, дея хабар беради Кazinform Sports.kzга таяниб.

Қозоғистонлик боксчиларнинг ўринлари:

Иккинчи ўрта вазн тоифасида Али Аҳмедов 12-ўринни сақлаб қолди. Кучли учликка америкалик Деметриус Андраде, канадалик Эрик Базинян ва яна бир АҚШ вакили Диего Пачеко кирди. Бу вазнда жаҳон чемпиони мексикалик Сауль «Канело» Альварес ҳисобланади.

Чемпионлик камари Жанибек Алимханулига тегишли бўлган ўрта дивизионда Геннадий Головкин британиялик Лиам Смит ва мексикалик Хайме Мунгияни ортда қолдириб, рейтингда биринчи ўриндан жой олди. Мейирим Нурсултанов учинчи ўриндан тўртинчи ўринга кўтарилди.

Иккинчи енгил вазн тоифасида ўнинчи поғонани банд этган Султан Заурбек 15-ўринга тушиб кетди. Рейтинг етакчиси британиялик Арчи Шарп, иккинчи ўринни мексикалик Оскар Вальдес, учинчи ўринни америкалик Альберт Белл эгаллаган. Ушбу вазнда WВО бўйича жаҳон чемпиони - мексикалик Эмануэль Наваррете.

Фото: Getty Images