Қозоғистонлик боксчи Қамшибек Қонқабаев WBO рейтингига кўра кучли учликка кирди

ASTANA. Kazinform – Бутунжаҳон бокс ассоциацияси (WTA) барча вазн тоифаларида боксчилар рейтингини янгилади, деб хабар беради Kazinform мухбири Sports.kz сайтига таяниб.

Унга кўра, оғир вазн тоифасида чарм қўлқоп усталари орасида қозоғистонлик Жан Кособуцкий тўққизинчи ўриндан саккизинчи ўринга кўтарилди. Иван Дичко эса 15-ўринни сақлаб қолди. Бу вазнда «Суперчемпион» унвони Александр Усикка тегишли бўлса, рейтингнинг кучли учлиги конголик спортчи Мартин Баколе, америкалик Майкл Хантер ва Деонтей Уайлдерга тегишли.

Бундан ташқари, оғир вазн тоифасида рейтингда тўртинчи поғонадан жой олган спортчи Қамшибек Қонқабаев учинчи ўринга кўтарилди. Ундан олдинда кубалик Рониэл Дортикос ва швециялик Бад Жек бор.

Иккинчи ўрта вазнда Айдос Ербосинули эса бешинчи ўринга тушиб кетди. У аввал ушбу вазн тоифасида пешқадам эди. Шунингдек, қозоғистонлик профессионал боксчи Бек Нурмағанбет ҳам рейтингда бир поғона пастлади. Ўнинчи ўриндан ўн биринчи ўринга тушиб кетди.

Иккинчи ўрта вазн тоифасида Султан Заурбек саккизинчи ўринда қолди. Рейтингнинг кучли учлигига америкалик Ламонт Крауч, грузиялик боксчи Отар Эраносян ва ирландиялик Жон Керролл кирди.