Қозоғистонлик боксчи IBF рейтингида кучли бешликка кирди
Рейтингда қозоғистонлик боксчиларнинг ўринлари қуйидагича: иккинчи ўрта вазн тоифасида Али Аҳмедов олтинчи ўриндан бешинчи ўринга кўтарилди. Ушбу дивизионда чемпионлик унвони мексикалик Сауль «Канело» Альваресга тегишли бўлиб, рейтингнинг кучли учлигини кубалик Уильям Скалл, россиялик Владимир Шишкин ва америкалик Эдгар Берлан эгаллади.
Мейирим Нурсултанов ўрта дивизионда еттинчи қаторни сақлаб қолди. Ушбу вазн тоифасида IBF йўналиши бўйича жаҳон чемпиони унвони вакант бўлиб, бразилиялик Эскива Фалькао биринчи ўринда, австралиялик Майкл Зерафа иккинчи ўринда ва германиялик боксчи Винченцо Гуальтьери учинчи ўринда бормоқда.
Султан Заурбек иккинчи енгил вазн тоифасида 14-ўринда қолди. Бу вазнда жаҳон чемпиони тожикистонлик Шавкат Раҳимов бўлиб, рейтингнинг дастлабки икки поғонаси бўш, учинчи поғонани британиялик Жозеф Кордина эгаллаган.
Фото: Ed Mulholland/Matchroom Boxing