Қозоғистонга Россиядан «Спутник V» вакцинасининг қўшимча 4 млн дозаси етказиб берилади

NUR-SULTAN. Kazinform – ҚР Бош вазири Асқар Мамин Россия Федерацияси Бош вазири Михаил Мишустин билан учрашди, деб хабар беради Kazinform Идоралараро комиссиянинг Telegram каналига таяниб.

Музокаралар давомида Қозоғистонга «Спутник V» коронавирусга қарши вакцинасини қўшимча равишда 4 миллион доза етказиб бериш тўғрисида келишувга эришилди.

Учрашув давомида COVID-19 тарқалишига қарши курашиш ва икки мамлакат иқтисодиёти учун пандемия оқибатларини бартараф этиш бўйича қўшма тадбирларга алоҳида эътибор қаратилди.

«Вирус тарқалишини енгиш учун биз мамлакатларимизнинг саъй-ҳаракатларини, шу жумладан оммавий вакцинация масалаларида юқори даражадаги мувофиқлаштириш зарур», - деди Асқар Мамин.