Қозоғистонга хорижий сармоя оқими 9 ойда 17,8 фоизга ошди

ASTANА. Кazinform – 2022 йилнинг 9 ойи якунларига кўра, Қозоғистонга тўғридан-тўғри хорижий инвестициялар оқимининг умумий ҳажми 22,1 миллиард АҚШ долларини ташкил этди, бу ўтган йилнинг мос даврига нисбатан 17,8 фоизга кўпдир, дея хабар беради ҚР ТИВ матбуот хизмати.

Қозоғистон Республикаси Миллий банки маълумотларига кўра, 2022 йилнинг уч чорагидаги кўрсаткични бутун 2021 йилда жалб қилинган инвестициялар ҳажми (23,8 миллиард доллар) билан солиштириш мумкин.

Инвестициялар оқимининг (+36,9 фоиз) ўсиши, тўғридан-тўғри хорижий инвестициялар умумий ҳажмининг 22,3 фоизи улуши билан 4,9 миллиард АҚШ доллари даражасига ўсиши диққатга сазовордир. Қишлоқ хўжалигида ўсиш 247% (23,5 млн. доллар), қурилишда: 87,8% (684,3 млн.), улгуржи ва чакана савдода: 32,6% (3,8 млрд), транспорт ва сақлашда: 20,1% (938,7 млн.), тоғ-кон саноатида 11,7% (10,1 миллиард доллар)ўсишни ташкил этди.

Қозоғистонга энг кўп сармоя киритган давлатлар рўйхатига Нидерландия (5,5 миллиард доллар), АҚШ (5 миллиард доллар), Швейцария (2,6 миллиард доллар), Бельгия (1,3 миллиард доллар), Россия Федерацияси (1,3 миллиард доллар) ва Жанубий Корея (1,1миллиард доллар) киради. Бундан ташқари, Жанубий Кореядан тўғридан-тўғри хорижий инвестициялар оқими икки томонлама муносабатлар тарихида рекорд даражага етди.

Тўғридан-тўғри инвестициялар оқими ўсишининг ижобий динамикаси инвестициялар оқимига босим ўтказаётган ташқи омилларга қарамасдан, хорижий инвесторларнинг мамлакатга бўлган ишончи ва амалга оширилаётган ислоҳотларнинг далилидир.