Қозоғистондан Россияга киритилган сармоя ҳажми 34 фоизга ошди

ASTANA. Кazinform – Қозоғистондан Россияга киритилаётган сармоя ҳажми 34 фоизга ошди. Давлат раҳбари Қасим-Жомарт Тоқаев видеоконференцалоқа режимида икки мамлакат минтақалараро ҳамкорлик форумининг ХVIII умумий йиғилиши иштирокчилари олдида нутқ сўзлади, деб хабар беради Кazinform мухбири.

«Россиянинг Қозоғистонга экспорти ҳам ортиб бормоқда. Нефт маҳсулотлари етказиб бериш 35 фоизга, пўлатдан ярим тайёр маҳсулотлар 22 фоизга, руда ва қимматбаҳо металлар етказиб бериш 20 фоизга, дон экспорти икки баробарга ошди», — деди Давлат раҳбари.

Қозоғистон Президентининг сўзларига кўра, мамлакатда россияликлар иштирокидаги компаниялар ва Қозоғистон-Россия қўшма корхоналари муваффақиятли ишламоқда. Бугунги кунда уларнинг сони 17 мингдан ошади.

«Россиянинг Қозоғистонга киритаётган сармояси йил сайин ортиб бормоқда. Биз Россия сармояларининг хавфсизлигини таъминлаш ва уларни иқтисодиётимизга имкон қадар кўпроқ жалб қилиш учун ҳамма нарсани қиламиз. Бу мамлакатларимиз ўртасидаги самарали иқтисодий ҳамкорликнинг яна бир далилидир. Ўтган йили Россиядан Қозоғистонга тўғридан-тўғри инвестициялар оқими пандемиядан олдинги даражадан учдан бирига ошиб, 1,9 миллиард долларга етди. Бундан ташқари, Қозоғистондан Россияга киритилган сармоя ҳажми 34 фоизга ошиб, 535 миллион долларга етди», — деди Қасим-Жомарт Тоқаев.

Муаллиф: Марлан Жиембай