Қозоғистондан ноқонуний олиб чиқилган маблағларни қайтариш ишлари қандай олиб борилмоқда

NUR-SULTAN. Kazinform – ҚР Молия вазирлиги бир қанча хорижий давлатлардан нақд хорижий валютани декларация қилган 340 нафар Қозоғистон фуқароси ҳақида маълумот олиш учун сўров юборди, деб хабар беради Kazinform.

«ҚР Молия вазирлиги Европа Иттифоқи, Туркия ва БААга ушбу мамлакатларнинг божхона ҳудудига киришда нақд хорижий валютани декларация қилган 340 га яқин Қозоғистон резидентлари тўғрисида маълумот бериш сўровини юборди», — дейилади Иқтисодий ресурсларнинг ноқонуний тўпланишига қарши кураш идоралараро комиссияси хабарида.

Шу билан бирга, комиссия шов-шувли ишларни тергов қилиш чоғида халқаро ҳамкорлик доирасидаги фаолияти натижаларини маълум қилди.

«Бош прокуратура хориждан ўғирланган активларни тергов органларига қайтариш бўйича босқичма-босқич алгоритмлар, методологиялар ва сўров шаклларини тайёрлади. Ҳар бир ҳолат учун активларни тиклаш стратегияси, шунингдек, молиявий текширувлар концепцияси ишлаб чиқилмоқда. Активларни тақиқлаш ва музлатиш бўйича шошилинч чоралар кўрилмоқда. Бунинг учун «Carin» (Европа) ва «Arin AP» (Осиё ва Тинч океани минтақаси) хорижий ахборот алмашиш тармоқларидан фойдаланилади. Бундан ташқари, Бош прокуратура Жаҳон банки ва БМТнинг Наркотиклар ва жиноятчилик бўйича бошқармасининг Ўғирланган активларни қайтариш ташаббуси билан ҳамкорлик ўрнатилди», — дейилади комиссия хабарида.