Қозоғистондан чиқадиган энг машҳур автомобиллар рўйхати эълон қилинди

NUR-SULTAN. Kazinform – 2020 йилнинг биринчи ярмида Қозоғистонда 235,4 миллиард танга қийматидаги 32 мингдан ортиқ автомобиль ишлаб чиқарилди, дея хабар беради Kazinform мухбири.

«ҚазАвтоПром» Қозоғистон автомобилсозлик саноати бирлашмасининг маълумотларига кўра, 6 ой ичида мамлакатда 235,4 миллиард тангалик қийматига эга 32 599 та машина, шу жумладан енгил автомобиллар, юк машиналари, автобуслар, махсус транспорт воситалари ишлаб чиқарилган. Ҳақиқий маънода ишлаб чиқарилган транспорт воситалари ҳажми ўтган йилга нисбатан 55,6% га кўпдир.

Ҳисобот даврида мамлакатда 27 867 та машина йиғилиб, 48,6 фоизга ўсди. 713 та автобус йиғилди. Юк машиналари йиғилиши 3,5 бараварга кўпайиб, 2974 тага етди. 131 махсус техника ва 374 тиркамалар ишлаб чиқарилди.

Мамлакат аҳолиси маҳаллий автомобилларни сотиб олиш учун 183,8 миллиард танга сарфлаган. Бу ўтган йилга нисбатан 51,4 фоизга кўпдир. Йил бошидан бери мамлакат корхоналарида йиғиладиган Lada (7 922), Hyundai (6792), Ravon (3395), KIA (3080) ва Chevrolet (596) автомобилларига бўлган талаб катта. Бунга JAC (332), UAZ (242) ва Skoda (202) ҳам киради.

2020 йил январь-июнь ойларида имтиёзли автоуловларни кредитлаш давлат дастури иштирокчилари томонидан 4775 та машина сотиб олинди.

Муаллиф: Марлан Жиембай