Қозоғистондаги барқарорлик бутун минтақа учун муҳим – Режеп Эрдоған
Кўчманчилар ўйинларида дунёнинг 102 давлатидан 3000 дан ортиқ спортчи иштирок этмоқда. Қозоғистон номидан 50 нафар спортчи беш турдаги мусобақада иштирок этади. Булар кўпкари, қозоқ кураши, анъанавий камондан отиш, жамби отиш, кўкбўри.
Мажилис раиси машҳур ўйин олдидан Қозоғистон терма жамоаси аъзолари билан махсус учрашув ўтказди. Уларга Давлат раҳбарининг самимий саломини етказиб, зафарлар тилади.
Мажилис раиси Бутунжаҳон кўчманчилар ўйинлари қардош мамлакатларнинг маданий алоқаларини мустаҳкамлаш, туркий дунёнинг муштарак қадриятларини дунёга намойиш этишда муҳим аҳамият касб этишини таъкидлади.
«Энди бутун Қозоғистон халқи сизнинг мухлисларингиз. Саватларингиз олтинга тўлсин. Қозоғистонлик спортчиларнинг ҳаяжонли мусобақада нақадар кучли эканини исботлаб, юрт шарафини кўтаринг», — деди Мажилис спикери.
Тадбир доирасида Ерлан Қошанов Туркия Республикаси Президенти Режеп Таййип Эрдоған билан учрашди. Мажилис раиси Отамакондан Қозоғистон Президенти Қасим-Жомарт Тоқаевнинг самимий саломи ва эзгу тилакларини етказди ҳамда Туркияда илк бор ўтказилаётган Бутунжаҳон кўчманчилар ўйинларининг тантанали очилиши билан табриклади.
«Мамлакатларимиз ўртасидаги ҳамкорлик йил сайин ортиб бормоқда. Бу Қозоғистон Президенти Қасим-Жомарт Тоқаев билан дўстона муносабатларингиз ва самарали мулоқотингиз самараси, деб ҳисоблайман. Шу муносабат билан биз сизнинг жорий йилнинг октябр ойига мўлжалланган Қозоғистонга ташрифингизни интиқлик билан кутмоқдамиз. Ишончимиз комилки, ушбу ташриф қардош мамлакатларимиз ўртасидаги яқин муносабатларни янги босқичга кўтариб, янада мустаҳкамлаш учун катта имконият яратади», — деди Ерлан Қошанов.
Ўз навбатида Туркия Президенти Қозоғистоннинг туркий дунё ва туркий давлатлар ташкилоти фаолиятидаги муҳим ролини та’кидлаб, IV Жаҳон кўчманчилар ўйинларининг очилишида иштирок этгани учун Мажилис раисига миннатдорлик билдирди.
«Қозоғистондаги барқарорлик бутун минтақа учун муҳим. Шу муносабат билан мен Президент Қасим-Жомарт Тоқаевнинг навбатдан ташқари президентлик сайловларини ўтказиш бўйича олиб борилаётган ислоҳотлари ва ташаббусини қўллаб-қувватлайман. Айниқса, Қозоғистондаги жараёнларни кузатаман. Умуман олганда, Қозоғистон ва Туркия ўртасидаги икки томонлама муносабатлар юқори даражада ривожланиб бормоқда. Бу борада парламентлараро ҳамкорлик катта аҳамиятга эга», - деди Р.Эрдоған.
Мажлис раиси Қозоғистон Парламенти ва Туркия Буюк миллат мажлиси ўртасидаги икки томонлама ҳамкорликнинг, жумладан, парламентлараро ташкилотлар доирасидаги бугунги кундаги аҳволи ҳақида маълумот бериб, ҳамкорликдаги ишлар барча соҳаларда фаол давом этишини таъкидлади.
Мажилис раиси Қозоғистон навбатдаги V Жаҳон кўчманчи ўйинларини ўтказиш бўйича таклиф киритганини ва турк жамоатчилиги буни қўллаб-қувватлашига ишонч билдирди.
Шу билан бирга, Ерлан Қошанов Туркиянинг собиқ Бош вазири Бинали Йилдирим билан учрашди ва томонлар икки давлат ўртасидаги ҳамкорлик жадал ривожланиб бораётганини таъкидлади.
