Қозоғистондаги АРМИ мусобақасига 12 давлатдан аскарлар келади

NUR-SULTAN. Kazinform – Август ойида Қозоғистонда Халқаро армия ўйинлари доирасида бўлиб ўтадиган «Тактик отиш» бўйича мусобақа бошланади, дея хабар беради Kazinform ҚР Мудофаа вазирлиги матбуот хизматига таяниб.

«Бу йилги Халқаро армия ўйинлари доирасида Қозоғистон Республикаси ҳудудида, хусусан Қарағанди вилоятида «Спасск» полигонида «Тактик отиш» мусобақасини ўтказишга қарор қилинди. Ўтган йили Россияда бўлиб ўтган ва жамоаларимиз фахрли учинчи ўринни эгаллаган эди. Улар катта тажрибага эга бўлишди, бу йил ҳам улар инструктор сифатида фаолият олиб боришди», - деди Қуролли Кучлар махсус операциялар қўшинлари қўмондони ўринбосари, полковник Абай Абдуллаев.

Унга кўра, иштирокчилар тўрт босқичдан ўтишлари керак. Биринчи босқич ўқ отувчиларни бир марталик тайёрлашни ўз ичига олади. Иккинчи босқичда иккита жанговар мувофиқлиги текширилади. Учинчисида - гуруҳ тўлиқ куч билан иштирок этади.

Танловнинг тўртинчи босқичи «Дуэл» деб номланади.

Турли мамлакатлар ҳарбий хизматчилари якка тартибда ва гуруҳ бўлиб жанговар маҳорат бўйича беллашадилар, шунингдек, вақт эстафетасида ҳам қатнашадилар.

Бу йил «Тактик отиш» мусобақасида 12 давлат – Ўзбекистон, Тожикистон, Россия, Хитой, Мали, Никарагуа, Жанубий Африка ва бошқалар иштирок этишини маълум қилди.

Фото: www.gov.kz